:: الــــــــــحــــــــب ذبــــــــــــاح ::

/
قصيده لشاعر غازي بن حمدي الميموني
رحمة الله عليه

/

ياللي تقولون الهوى ضحـك ومـزوح
ترى الهـوى مايعرفـه كـل مـزاح

/

اصل الهوى معناه روحيـن فـي روح
به تندمـج كـل المشاعـر والارواح

/

حتى يصيـر البـاب للقلـب مفتـوح
بابـن لـه شعـور المحبيـن مفتـاح

/

والقلب يمشي له على غيـر مصلـوح
يتبع هوى مغليه مـن ويـن مـاراح

/

وانا هوى بالي معـي ويـن مـاروح
طيفه معي باحزان عمـري والافـراح

/

ياكثر مايخطي وانـا اقـول مسمـوح
كـل الزعـل لاقـال لبيـه يـنـزاح

/

انا اشهد ان الحب لوعـات وجـروح
وانا اشهد انّي منـه مانـي بمرتـاح

/

لكـن ياللـي كـل مافيـك ممـلـوح
ارفق على حالي ترى الحـب ذبـاح

/

شفت التناقض كيف ياغايـة الـروح
تجرح وتذبح وانـت دكتـور جـراح

/

عزالله اني عن شقى الحـب منصـوح
لكـن قلبـي ماسمـع كـل نـصّـاح

/

اثر الهوى يودعك في سـدك اتبـوح
وفيه الخساير فوق ضعفيـن الأربـاح

/

لاتحسب الخاطر من البعـد مشـروح
تراي اجـاوب نايـح الـورق لانـاح

/

حبك بنى في قلبي ابـراج وصـروح
وسيطر على قلبـن للأسـرار مابـاح

/

واسرني وخط احرف اسمي على اللوح
اسير حـربٍ مابهـا جيـش وسـلاح

/

حربٍ ضـروس ولابهـا دم مسفـوح
لو ان فيهـا سيـف ساطـي وسفـاح

/

اول ضحاياهـا بـلاحـق مـذبـوح
قلبن يجازي صـادق الـود بانصـاح

/

قلبي عليه ظلوعـي تصيـح وتنـوح
واقصى الظلوع يزلزل الأرض لاصاح

/

لكـن ياللـي كـل مافيـك ممـلـوح
ارفق على حالي ترى الحـب ذبـاح

/

انا اشهد ان الحب لوعـات وجـروح
وانا اشهد انّي منـه مانـي بمرتـاح


نقل مميز وذوق

وانا هوى بالي معـي ويـن مـاروح
طيفه معي باحزان عمـري والافـراح

/

ياكثر مايخطي وانـا اقـول مسمـوح
كـل الزعـل لاقـال لبيـه يـنـزاح

صح لسان الشاعر غازي حمود الميموني

وسلمت يداك على النقل الف شكر

رحم الله الشاعر غازي بن حمدي الميموني
والف شكر لك أخوي فهد الشمشم على النقل المميز

الله يرحمك ياغازي ويجعل مسكانك الجنه

ذائقه رائعه . . اخي . فهد الشمشم . . سلمت يداك

رحم الله كاتبها برحمته الواسعه

قصائد مثل هذه لها طابعها الخاص والمميز

تقبل مروري

اخوك : ابو سلطان

المشاركة الأصلية كتبت بواسطة نجمة عالي سماه

انا اشهد ان الحب لوعـات وجـروح
وانا اشهد انّي منـه مانـي بمرتـاح


نقل مميز وذوق

اسعدني تواجدك,,,ولكي كل الشكر

شـكــ وبارك الله فيك ـــرا لك ... لك مني أجمل تحية .

المشاركة الأصلية كتبت بواسطة فارس الكلمه

وانا هوى بالي معـي ويـن مـاروح

طيفه معي باحزان عمـري والافـراح

/

ياكثر مايخطي وانـا اقـول مسمـوح
كـل الزعـل لاقـال لبيـه يـنـزاح

صح لسان الشاعر غازي حمود الميموني

وسلمت يداك على النقل الف شكر

الله يسلمك,,يالغالي
واسعدني تواجدك الراائع

المشاركة الأصلية كتبت بواسطة ملكة القوافي

رحم الله الشاعر غازي بن حمدي الميموني
والف شكر لك أخوي فهد الشمشم على النقل المميز

العفوو,,,يالغاليه
واسعدني تواجدك الرااائع
ولكي كل التقدير