قصيدة سوار الذهب في عيد شارع العضيله

أنا ليا ضاقت عليّ المحاريف = انصى الرجال اللي تسد النوايب
تزبن عن الضدات تذري عن الحيف = ضلعٍ يذري عن سموم الهبايب
لطامة العايل كبار المعاريف = روس الرجال اللي تفك النشايب
لاجات دقلات الليالي مواجيف = وناخت على روس ارسنتها الركايب
تنصى العلوم متعبّين المواقيف = أهل العقول موردت كل هايب
أمثال أبو خالد بعيد الأشاويف = الصيرمي منتول من راس شايب
أكرم من الهتان وأمضى من السيف = والطيب فالطيب من الله وهايب
رأسٍ زما فوق الجبال المواقيف = ماهو بحيا الله عرب فالقرايب
قوم الهزال مجمعين السواليف = الخايبين مليمة كل خايب
ياعيد زبنّي تحت بارد القيف = قدام لاتركز علي النصايب
والا بخلي نجد زعلان ومعيف = أنجع وأهاجر مع وساع الخبايب
نجعة مطيريٍ هجر نجد لجنيف = زادت غرابيله وشاف الغرايب
خيلت لي نواً مزونه مراديف = وأقفى بماه وراح ماهو بصايب
أن احسبنه صيف واثره ماهو صيف = كنه وعج وراح مزنه نهايب
وأن مالقينا للسفينه مجاديف = أقفى بها موج البحور الشوايب

لاهنت يالناقل

وصح السان الشاعر عبدالله

لاهنت على النقل اخوووووووووووووووي
صح لسان عبداللة

صح لسان الشاعر الكبير و الفذ
عبدالله غازي الميزاني
على هذه القصيدة الجزلة و الشامخة
و يستاهل المدح رجل الأعمال و الشيخ عيد شارع العضيلة
و الله يعطيك العافية أخوي حماد العبيوي على النقل المميز

صح لسان ابوغازي ويستاهل عيد المدح

صح لسان أبو غازي ويستاهل المدح رجل الأعمال و الشيخ عيد شارع العضيلة(أبوخالد)

والف شكر أخوي حمّاد على نقل هذه الرائعة والتي كنت أنتظرها لأنني أعلم بها منذ فترة من أبو غازي حيث حدثني عنها , فبيض الله وجهك وتستاهل تنقل لمجموعة المميزين لأنك مميز ولا تأتي إلا بالمميز

صح لسان ابوووووووووغازى

صح لسانك ... سوار الذهب ...ومشكور ع النقل اخوي...

الله الله

صح لسانك ياسوار الذهب ..

مشكور ياحماد ..

الله يعطيك العافيه ياحماد على النقل
وصح لسان شاعري المفضل الفذ الراقي الممتع العذب
ســـــــــــــــــــــــوار الذهب