للعتبان والمطراان ارجوا الدخوول مهم ..

:.: قصيـــده أعجبتني حبيت أني أوصلـها لكم...

ياشاعر المليون حطمت الامـال
منت الطموح اللي نبيه ونريـده
سببت لك فتنه على روس الاقذال
وراحت ضحياها القلوب البليـده
ناسٍ تحسب المسأله ساحة قتـال
وكلٍ على الثاني يحد الحديده !!
ياناس ياعالم هذا الحكي بطـال
والمسأله ماغيـر ذوق وقصيـده
الشاعر اللي يعجبك كـل ماقـال
ارسل على شانه رساله وحيده !!
فزعاتنا ماهي بتصويت جـوال
فزعاتنا حطّت حكومه رشيده !!
حنا قبايل نجد ذربيـن الافعـال
اصغر ورع فينا عن امية وليـده
وياعتيبه الهيلا صناديد الابطـال
حنا مطير اهل العلـوم الفريـده
حنا سما عالي كما الغيث همـال
وانتو الجبال الراسيات الشديـده
وانتو فعايلكم تـدرّس للأجيـال
وحنا وصلنـا للنجـوم البعيـده
رجالكم على العدو سيف سـلال
ورجالنـا دايـم عـدوّه فقيـده
انتم وحنّا كالبناخي مـع الخـال
الطبع واحـد والعلاقـه وطيـده
مطير وعتيبه تقل نسـل رجـال
كل البدايـد تعتبرنـا بديـده !!
وان عودت شعر وقوافي وموال
انتم عواميـده وحنـا رصيـده
شعاركم اهل الجزاله والامثـال
وشعارنا الشعـر نفسـه تزيـده
فيكم حبيّب والفحل ابـن هـذال
وفينا سعد سلطان وتركي الوليده
شعار صح وابياتهم كلها اجـزال
وقصيدهم يزيد سعـر الجريـده
نبقى على روس النوايف والاقذال
وياشاعر المليون ماهي جديـده
مطير والعتبان حطّووك بالعـال
ومن دوننا رصيدكـم عالحديـده



للشاعر / تركي الديحاني

حلوه هذه القصيده وتعتبر قصيدة مصالحه بين الطرفين مع انه لا يوجد خلاف من اصله وانما زوبعة اطفال .

اشكرك اخي على هذه القصيده الجميله

يعطيك الف عافية اخوي خيل بلافارس

انتم وحنّا كالبناخي مـع الخـال=الطبع واحـد والعلاقـه وطيـده
مطير وعتيبه تقل نسـل رجـال=كل البدايـد تعتبرنـا بديـده !!

العتيبي والمطيري وجهان لعملة واحده ولكن حسبنا الله على من سبب هذه الفتن

أشكرك اختي خيل بلا فارس وهذا يحسب لك بالتقارب بين القبيلتين العظيمتين

يعطيك العافيه ياخـيل بلآ فـارس واحمد الله اني انا من ضمن الناس او المطران الشباب اللي خوياه كلهم عتبان