الشــــــــــــــامخه

يالشامخه من بين كل الرعابيب = يالنايفه من فوق كل النوايف
ياذوق يا اخلاق ياقمة الطيب = يالولوه فاقت جميع الوصايف
ياجوهره مصيونه من العذاريب = ماحافها في غيهب الليل حايف
العشق ماجاء بالمنا والمطاليب = العشق نزعة روح بين الولايف
ليامكن بالقلب ماله تطابيب = تسم جسم الرجل نظرة مهايف
ياما تهاوت منه عُكف الاشانيب = وياما لحقها منه بعض الحسايف
ياشامخه يانايفه مضجع الذيب = سكن الخلا ومن الخلا له خطايف
مايلتفت يالشامخه للخراعيب = عينه حجا يابنت عن كل هايف
والبرق لن نوضه بسد المراقيب = اقول له كريم لوكنت عايف
بارق بعيد الدار مابه مشاريب = شِربه لمن بالدار سد النوايف

صح لسانك ياراع الوفاء

صح لسانك واعتلى شانك اخوي راع الوفا على القصيده الرائعه لاهنت

ياسلالالالام يابو مااجد

صح لسسسانك


بعد كل قصيده نتعطش للقادم


لله درك من شاعر

لاعدمناك يالسلمي

صح لسانك أخوي راع الوفا

القدير برق الغالي

تواجدك اسعدني الله يسعدك

صح لسانك يارعي الوفا .. ابيات رائعه ومميزه

بيض الله وجهك وماقصرت

الاخ الغالي عز الخوي
وانا اشهد انك عز الخوي
اشكر لك تواصلك لاعدمة زولك يابعدي

اخوي الشاعر القدير راع الوفا
صح لسانك على هالقصيده التي ارتويت منها شعرا حقيقيا ونأت بي بعيدا عن الشعر
الغث الذي تعودنا فيه في يومياتنا سواء عن طريق القنوات والوسائل الاخرى
ومثل هذه القصيده لايمكن المرور عليها مرور الكرام ولاكن لابد من الاستمتاع بجمالياتها

العشق ماجا بالمنا والمطاليب .. العشق نزعة روح بين الولايف
الله عليك اخوي بيت شامخ فيه صوره لايقدر على تركيبها الا دكتور شعر كشخصك
الراقي فعلا العشق هو أئتلاف روحي سامي

ياما تهاوت منه عكف الاشانيب .. وياما لحقها منه بعض الحسايف

شكرا اخوي راع الوفا على هذا النص المتميز لك خالص تقديري http://almouazeen.com

صح لسانك حتى ترضى يابوماجد
كل مره تفاجئنا بتحفه حرفيه
لك اسلوب رائع وحضور متميز
وانت مكسب لنا ياراع الوفاء
.