يقولون مال للعبد بد عن المقسوم

يقولون مال للعبد بدٍ عن المقسوم

وانا اقول صح ويقنع العبد مقسومه

عسى الله يعين اللي توافد عليه هموم


هموم تخلي طبلة الراس منجومه




ترى والله انه مايكدر عليك النوم


سوا كلمة من بعض الاصحاب مسمومه




إلى جت من الغالين والا الرخوم رخوم


ولا امحق من الغالي ليا شانت علومه




ضعاف الروابع تبتلش والقروم تشوم


ولا هيب لا شامة من الشين مليومه




ولا ازين من القاع الخلا والوجيه سلوم


ولا رفقة مع طول الايام ملغومه




ولا الذ من عشرة شريفن من اقصى القوم


يبادلك فعل الطيب معناه وسلومه




ولا شفت في جو الصداقه غبش وغيوم


عطيت الدروب اللي مع الارض مرسومه




ولا مثل عز النفس لو مامعك مطعوم


وعن اهل الشماته خل الاسرار مكتومه




معي لو سمحت شوي عقبن عداك اللوم


ابعطيك عن بعض الرياجيل معلومه




ترى اللاش لو وقف معك في حياته يوم


تشوف الردى متبين فيه من يومه




وانا اقول لو ان في وجيه الرخوم وسوم


عرفنا نمييز قيمة النذل بوسومه




علشان نجلس مع رجال الوفاء ونقوم


ونبعد من اللي عند الاجواد مذمومه




انا اسمع مع اهل التجربه فالحياة علوم


بعضها صحيح وبعض الاخبار موهومه




يقولون وكر الحر مايعتليه البوم


انا شوف عيني وكر حر تحت بومه






قصيدة الشيخ / راجح بن سالم العجمي

السلام عليكم ورحمة الله وبركاته وبعد /

قصيدة جميلة مليئة بالحكم مختومة بتجربة حقيقية .

شكرًا لكَ أخي ابن مصاول على النقل .

نقل رائع وموفق

اعجبتي كثير شكرا لك ابن مصاول الميزاني

قصيدة جزلة للشاعر راجح بن سالم العجمي

وانا اقول لو ان في وجيه الرخوم وسومعرفـنـا نميـيـز قيـمـة الـنـذل بوسـومـه

علشان نجلس مع رجـال الوفـاء ونقـومونبعـد مـن اللـي عنـد الاجـواد مذمومـه

إنتقاء موفق جداً يا أبو محمد ولا هنت

مشكور على النقل