يقول أبن زراق(قصيدة غزلية)

يقول أبن زراق

لشاعر المدالجه المرحوم ضيف الله بن زراق بن مدلج

يقول بن زراق قاف بالأوراق=جابه على مالاق بالمترفاتي.
متخيرٍ معناه من يوم سواه=من ضامر المثناه عين المهاتي.
ياعين حر طار من عالي الأوكار=يرفع له الصـقار كم العباتي
يدعيه ياغشام عدلي بالأولام= وأقفتبه الأوهام للحايماتي.
يالصاحب الذباح يازين الأرياح= يانجمة الأصباح ومنا حياتي.
يابو ثمان صف يا مخضب الكف=قلبي عليك أرجف عقب الثباتي.
خلي نهد وردوف والبطن ملهوف= وباقن عليه وصوف وملاحظاتي.
ومن جملة الأوصاف قرنه للأرداف= يضفي قدم وخلاف طول وحلاتي.
وهرجه حليب أبكار يرعن الأزهار= ومشروبهن أمطار ومتيهاتي
مرباعهن إسواج وطراف الأنجاج=وإلا لهن مدلاج لأرض أكبشاني.
دارن بواسط نجد ديرة هل الوجد=دار الثنا والمجد والطايلاتي.
دارن ربانا فيه ونعرف أهاليه= عسى الحيا يسقيه هاذي مناتي
يا ناعم الخدين يا منهل الزين=يا دقاق رمش العين كيف السواتي.
وجدي على لاماك يا حسن الأسلاك=وجـدي على لاماك قبل الفواتـي.
يا مطرق الريحان يالدن الأغصـان= فـي داخل البستان بين النباتـي.
أشكي هواك بجد وأخبر هل الود=ودن بليا حد رمز وبراتي.
أرسلت لك بكتاب من بد الأحباب=من غير كم أخطاب ومزرفاتي.
أرسم على المكتوب عاشق ومحبوب=والـزاد والمشروب ماهو هواتي.
والله للا الأسلام والشرع بانظام=لأزبن به الحكام وأطلب نجاتي.
لأزبن به آل سعود مناهل الجود=حماية المطرود بالمرهفاتي.

وهرجه حليب أبكار يرعن الأزهار= ومشروبهن أمطار ومتيهاتي
مرباعهن إسواج وطراف الأنجاج=وإلا لهن مدلاج لأرض أكبشاني.
دارن بواسط نجد ديرة هل الوجد=دار الثنا والمجد والطايلاتي.
دارن ربانا فيه ونعرف أهاليه= عسى الحيا يسقيه هاذي مناتي

أبن مصاول: نقلته من ديوان الشاعر

صح لسانها والله شاعر كبير

صح بدنك يا وائل وأشكرك على مرورك يا غالي ....

قصيدة اكثر من رائعه ....................ومشكور على النقل يابن مصاول.................
واعذرني على على طول الغيبة.........................
ودمتم.....................................

صح لسان الشاعر
ومشكور على النقل

يعطيك العافيه ياابن مصاول على النقل والشاعر شاعر متمكن وفاله البيرق

الأخوان الجني ,ابن حنين وشليان الشلاحي أشكر لكم مروركم وتعليقكم

صح لسان الشاعر & وصح لسانك ابن مصاول


مشكووووووور على نقلك لي هذه القصيده

ويعطيك العافيه والصحه



الديري

انا اقول ليش ابن مصاول قلبه خضر
من شابه اباه ماظلم
لاتقول انه مجرد قصيد لا اكثر
اقول بل المعاناه كانت واضحه في قصيدة شاعر المدالجه الله يرحمه
الله ايام اول قبل التلفونات والجوالات رسايل ويعنونها بعبرات رنانه

الله يرحمه ويسكنه فسيح جناته

والله يعطيك العافيه أخوي ابو مصاول على الإيراد

ولك تقديري

عبدالرحمن الميموني