لا صرت بايعني اشوفك على خير

~~~~~~~~~
لا صرت بايعني اشوفك على خير
مع السلامه دام مابه سلامه
~~~~~~
قلت انتهينا قلت خير ياطير
ماني بأول شخص يخسر غرامه
~~~~~~
محذرك من قبلها الف تحذير
لا عفتني بيعيف قلبي اهيامه
~~~~~~
ماني بميت لا ولا احتاج تبرير
صح الله السانك ووفر كلامه
~~~~~~
بسمعك حبكه وفكره وتصوير
وفهم عدل يامدعي بالفهامه
~~~~~~
وجه الشعر ابيض ويحتاج تغيير
ودي تزين هالقصيده علامه
~~~~~~
ماضيك الاسود بذكره دون تقصير
كذا يكون بخده الشعر شامه
~~~~~~
يصدق معي تعبير ويخون تعبير
ياضيعت الشاعر بوقت انسجامه
~~~~~~
يمكن خطاء ادونك بالشعر مير
لو محترمتك للغرام احترامه
~~~~~~
ماكان حبك غير بس طعنتك غير
علمتني معنى الندم والندامه
~~~~~~
ماجاك مني اي زله وتقصير
كل ماخطيت اعاتبك ببتسامه
~~~~~~
حسبي على الذكرى اذا هبت اعصير
ماعد تنفع شرهتي والملامه
~~~~~~
البال ضامي وقتهاء والحزن بير
خسرتك وهمي كسب اهتمامه
~~~~~~

والليل فازعلك كذا جاني امغير
ظلمتني وكثر ظلمني ظلامه
~~~~~~
لا قبل على اوحيت صوت المسايير
وفزيت كل ضيف اقوم ابمقامه
~~~~~~

ولا عزم هالليل ضيقه وتفكير
قلي بربك كيف بقدر انامه
~~~~~
مافيه داعي للعتب والمعاذير
الغدر خال الجرح وطيب عمامه
~~~~~~
اما يجيب الله مطر تالي بخير
ولا السلامه ماش مامن سلامه
~~~~~~~~~


للأستماع

شئ رائع جداً وصح لسان الشاعر صراحة هالأيام كثر الشعر القاسي من الأحباب وهو يعتبر ظاهرة لا أعلم سببها؟؟؟؟

أشكرك أختي دلوعة لنقله لنا ..


اخوك ابن مصاول

مافيه داعي للعتب والمعاذير
الغدر خال الجرح وطيب عمامه


ظاهره جميله يابن مصاول لان المتعه تجدها في الشعر عندما يكون قاسي


ولكن ليس شرط ان تكون في واقع الشاعر



فهم يقولون ما لايفعلون



الاخت دلوعة المهد الف شكر لايراد القصيده الرائعه لشاعر جميل


واعتقد انه نال اعجاب الجميع عندما قام بالقاء قصيدته في ناصر الفراعنه

بعد الخروج المذل من شاعر المليون



تحيتي وتقديري

الله يعافيك دلوعة المهد على هالقصيده الرائعه لشاعر رائع ونقلك لها اروع
وتقبلي مروري وتحاتي للجميع....