ياويلك من الله

ياويلك من الله تنامين بدري=وحبيبك يسهر طول ليله لحاله
انا اشتكي للناس والحب عذري=والناس تشكي من هموم البطاله
كل ن على همه يغني ويسري=مافيه احد سالي ولاهي وداله
حتى الحبيب اللي فديته بعمري=ماعاد يذكرني ولوبرساله
وش فايدة شعري إذا كان شعري=ماحرك إحساسه ولاجافي باله
عموما الله لايهينك ياصبري=اصبر علي واعدها لك جماله
ادري معك زودتها والله ادري=لكن من يصبر على الشي ناله
بحاول اكتم كل الاشيا بصدري=واداري همومي بلطف وعداله
مدري ولكن ليه لأني ادري=البوح في كل المواقف جهاله
مافيه احد كبري على رغم صغري=هذاك عبدالله وهذا ضلاله
مابيع في مشاعر الناس واشري=اصيل ولااحب غير الاصاله
ميزني الله عن اقراني بفكري=والحمدلله والشكر والثناله
وجهة.رايي وكيفي وبصري =واللي يبي يزعل مافالي بفاله
اعرف نفسي زين واعرف قدري=زي مااعرف إن الحثاله حثاله
وإن شفت مابه شي ينفع ويغري=قدمت عن هذي الحياه إستقاله

صح لسنانك ياابن نوار

يعطيك العافيه على القصيده الجميله

صح لسانك يا عبدالله على هذه القصيدة الجميله ولا هنت وأحلى شئ القفله

وإن شفت مابه شي ينفع ويغـري=قدمت عن هذي الحيـاه إستقالـه

تقبل مروري


أبن مصاول

صح لسانك يابو نوار تنحت من صخر
وش فايدة شعري إذا كان شعـري ماحرك إحساسه ولاجافـي بالـه

عز الله انك صادق الشعر رسالة من شعور الشاعر اذا لم تصل الى مبتغاها فهنا يقف الشاعر



أتحفنا بجديدك ولاتطول الغيبه

تقبل تحياتي

بن مصاول لاهنت وصح بدنك

عاشق دلع شكرا لرقي مرورك ولاهنت

يعطيك العافيه مدد لاعدد