دايم السيف

لوحه من رسومات الامير:خالد الفيصل

ومن القصائد الآمير خالد الفيصل والمحببه ---عند حلا نجد


طال السفر .. والمنتظر مل صبره=والشوق يا محبوب في ناظري شاب
رد النظر .. خلّيت بالكف جمره=سعيرها في داخل القلب شبّاب
عز الخبر .. والمهتوي ضاق صدره=يامن يرد العلم عن هاك الأحباب
طيفه عبر .. ما ارسل مع الطيف عذره=هو خاطره من لوعتي ما بعد طاب
هو ماذكر .. أن الجفاء فيه كسره=للخافق اللي في هوى صاحبه ذاب
يا ما سهر .. طرفي على حبس عبره=أردّها والوجد للدمع جذاب
دمع انحدر .. جاله على المنع جَسره=عظيم وجدي للدمع شرّع الباب
يوم وشهر .. عزاه والعمر مره=والناس واجد ... لكن الولف غلاب
-----------------------------------------------------

مجموعة انسان....اسم اجميل جدا ويدعو إلى التعرّف على ما وراء هذا العنوان

وخلف هذا العنوان هناك نص وجداني رائع جدا أبدع في صياغته الامير خالد الفيصل

ويقول الامير خالد الفيصل في امسية النادي الاهلي في جده عن هذا النص :

(عندما يسألك صحفي من أنت ؟ من الطبيعي انك تقوله انا فلان او اي شي يعرف بأسمك من هويه او غيرها. . . .

لكن لما يسألك شخص تعزه او تعرفه او (راعي قديمه) ساعتها تحتار ويمكن توقف قدام المرايه وتقول من أنــــــــــــــــا ؟ )


مجموعة انسان


قالت من انت ؟ وقلت مجموعة انسان
من كل ضد و ضد تلقين فيني

فيني نهار و ليل و افراح و احزان
أضحك و دمعي حايرٍ وسط عيني

فيني بداية وقت و نهاية أزمان
أشتاق باكر و أعطي أمسي حنيني

و أسقي قلوب الناس عشقٍ و ضميان
و أهدي حيارَى الدَّرب و احتار ويني

و احاوم صقور الهوا حوم نشوان
و اسيّل الوديان دمعٍ حزيني

في عيني اليمنى من الورد بستان
وفي عيني اليسرى عجاج السنيني

تهزمني النّجلا و انا ند فرسان
و اخفي طعوني و المحبَّه تبيني

و إن ما عرفتيني فلاني بزعلان
حتَّى أنا تراني أحترت فيني

طبعا وهذه القصيده 00من اروعهم000

أكيد اللآمير يقصدني أنا حلا نجد00


ليالي نجد ما مثلك ليالي=غلاك اول وزاد الحب غالي

ليالي نجد للمحبوب طيبي=امانه نور عيني يا ليالي

حبيبي ولا ذكرت انه حبيبي=دريت اني حظيظ وزان بالي

على شانه تهاونت المصاعب=اذوق المر لَجل رضاه حالي

وإلى من الزمان اشتد حره=لقيت بقرب مضنوني ظلالي

عفا الله عنه مما جاني اول=غسل حبّه جميع الهم تالي

حبيبي ولا ذكرت انه حبيبي &&& دريت اني حظيظ وزان بالي


والى اللقاء000في دوانيه ثانيه00تجمعنا مع احلا حلا نجد

أختي حلا نجد أشكرك على نقل هذه الصوره اللي والله أبن مصاول صراحة وبسبب عدم معرفتي في فنون الرسم مثل التجريدي والتكعيبي والرسم الواقعي ...

هل من الممكن أن تخبرينا عن بعضها...

ودايم السيف علم في رأسه نار

وتقبلي شكري

أبن مصاول

في عيني اليمنى من الورد بستان = وفي عيني اليسرى عجاج السنيني
صح لسان صاحب السمو الملكي الأمير / خالد بن فيصل آل سعود ..
وتسلم انأمل ناقلها ..
تقبلي مروري .. سلطان الميزاني.

يعطيج العافيه اختي على الصور