يامنقدين الشعر

يامفقدين الشعر ومنقدينه=يامنقدينه بس ماادري على ايش
الشعر للشاعر سواة اكسجينه=ياللي تبيعون الذمم باالبخاشيش
تسمعوا ياأهل العقول الرزينة=في قول من يروي كبود المعاطيش
مصدرين العلم وموردينه=إمبدلة بيض الغتر للطرابيش
ماانتم بكفوا النقد ياناقدينه=الشعر يسمو عن كلام الخفافيش
أقلام سوداء في صحافة حزينه=وأفكار رجعية ونزوه من الطيش
أقلام ماهي في أيادي أمينه=والكاتب يدور على لقمة العيش
ماكل كاتب قيل تسلم يمينه=اهبو هبيتوا ياعيال الدراويش
احترموا القارئ لعقلة ودينه=لاتشوشون الجو مافيه تشويش
وتثقفوا في النقد ياجاهلينه=والااستريحوا مالكم في المطاريش
ارقوا بذائقة العقول الذهينه=روس الظبا ماعاد فيها عراميش
نبي شفافية وصدق وسكينه=لاتعرضون انفوسكم للطراريش
ماني بسلبي بس الأشيا المهينه=تبقى مهينة لاتقولون لي ليش

الشاعر عبدالله نوار هذه القصيدة هي إبداع بل فاقت الإبداع سجل إعجابي بها لأبعد حد وصراحة لم تبقي فيها أي مجال للنقد فقد حبكتها لأبعد درجة.

أبن مصاول

اخوي عبد الله نوار صح لسانك

ويعطيك العافيه

ننتظر جديدك

ماكل كاتـب قيـل تسلـم يمينـه ==هبو هبيتوا ياعيـال الدراويـش

يعني افهموا لاحد يجامله

احترموا القـارئ لعقلـة ودينـه== لاتشوشون الجو مافيـه تشويـش

ابشر بالاحترام
الله يخلينا الطيار الشراعي

وتثقفـوا فـي النقـد ياجاهلينـه == والااستريحوا مالكم في المطاريش

كم ناقد يجاملك اولهم ابن مصااول

يسلم يمينك يا ابو نــوار قصيدة في منتهى الـجـمـال

ماكل كاتـب قيـل تسلـم يمينـه--اهبو هبيتوا ياعيـال الدراويـش
احترموا القـارئ لعقلـة ودينـه--لاتشوشون الجو مافيـه تشويـش
وتثقفـوا فـي النقـد ياجاهلينـه--والااستريحوا مالكم في المطاريش

صح لسانك ولاهنت يالقرم

كل بيت احسن من الثاني ، يعطيك العافيه على هذه القصيده الجزله