هذه هي فائدة لحس الزجاج .. هههههه

غير متواجد حالياً

مرحبن مليون

أهلن وسهلن بأحلى خشش في العالم

والله أني أشتأت ليكم << وش رايكم أعرف أتحشى لبناني

أربطوا بطونكم ( بحبل الغسيل ) فموضوعي قد بدأ
الأجمل والأمثل والأكمل والأصلع << لاتعليق

أتمنى من الكل قراءة الموضوع بالكامل وأنا أوعدكم راح تنبسطووون

نبدأ بالموضوع << منقوووول للأمانة مع التعديل

ثري

تووو

ون

GOOO

كما هو معروف لدى الناس
كل صيفية لازم يجي شي يشغل هالصيفية أو بمعنى آخر
يجي موووضه تبرز في هالصيفية

في أحدى الصيفيات أخذنا الوالد للسوق أنتقضى مقاضي << لغة عامية
وأول ماوصلت السوق وألا عيني في ذيك الدراجة اللي تقول ( أنا صنعت لأجل حشحوش )

قلت / بابا ياأحسن أم في العالم << خقيت في الدراجة وضيعت الكلام
قال الوالد / دراجة مافيه لو تحب السماء << فاهمني مزبووط
قلت / الله يخليك الله يخليك أهي أهي أبغى أشتري هاك الدراجة
شوفها من اليوم تغازلني

طبعا تعرفون الوالد ماعنده تفاهم على طول أخذني عند
العسكري وقال هذا الولد ضايع لو سمحت ياعسكري أمسكه وخله عندك
وأذا مالقى أهله أنا أجيك وأخذه من عندك
خبرك الرسول قال ( أنا وكافل اليتيم في الجنة )

<<<<<<<<<<<< زحلقني الوالد بسهوووولة ومشى

وأنا أطالع في العسكري وأقووول له حافظ جدول الضرب
قال العسكري / لاحووووول أحنا وين وأنت وين
قلت / طيب عرف جمع المذكر السالم
قال العسكري / أقوووول تبي تلايط وألا أكرفسك في الدورية
قلت / دعابة دعابة << يعني أمزح
قال العسكري هيا أسكت لين نلقى أهلك

مرت نصف ساعة طفشت

قلت للعسكري / ممكن أروووح لمحل الدراجات
أنا أهلي ضيعوني هناكـ
قال / خلاص روووح لكن خلك عند المحل لاتروح بعيد

والله وأروووح للمحل وأحط يديني على القزاز من برا
وماد لساني على القزاز وداخل جووو مع الدراجات أتفرج فيها

وألا واحد ماسكني برقبتي من ورا

الشخص الغريب / وش تسوي هنا ياولدي
قلت / أتفرج على الدراجات
قال الشخص الغريب / ليش أنت ماعنده دراجة بالبيت
قلت ألا عندي لكن مووو مثل هذي
قال الشخص الغريب / كيف يعني
قلت / الدراجة اللي عندي بالبيت عبارة عن
( علبة زيت العافية + زنوبة قاصها دواير << كفرات لعلبة الزيت + غطاء البوية << دركسون + خيط موصل من علبة الزيت ألى غطاء البوية )

قال الشخص الغريب / لا لا ماعندك مثل ذي الدراجات
قلت / لا

ملاحظة / بيني وبينكم حسيت أن الرجال بيشتري لي قلت خلني أتغدابه قبل يتعشابي

قال الشخص الغريب / وليش أبوك ماأشترى لك دراجة
قلت / أنا يتيم أهي أهي أهي << جحدت أبوي مثل ماجحدني
قال الشخص الغريب / ومع مين عايش
قلت / مع خدامتنا
أهلي ماتوا في حادث وماسلم ألا أنا والخدامة أهي أهي أهي << حركات أستعطاف

قال الشخص الغريب / طيب ألحين أي دراجة عاجبتك
قلت / ذيك الشقراء << أخترت أغلى وحدة
قال الشخص الغريب / ألحقني
وأنا أنطلق وراه نافخ صدري وبطني أبن أمه يتكلم ألحين
المهم ماقصر الله يجزاهـ الجنة أشتراها لي
وأمسكها وأحطها في السيارة حقتنا وأغطيها بالصحون << صحون لأبوي حاطها بالشنطة للكشتات وماشابه
وأجلس بالسيارة لين أهلي جو ورجعنا للبيت
طبعا قلت لأبوي كل اللي حصل وعاتبني يقول ليش ماقلتلي
قلت / ولو قلت لك وش تبي تسوي
قال الوالد / لو قلتلي كان رحت لشركة تيوتا وحطيت لساني ويديني على القزاز يمكن هالشخص الغريب يمر ويشتريلي همر 4H

قلت يالله على نياتكم ترزقووون

طبعا أول من أشترى دراجة في الحي هووو أنا
وأمسكها وألونها أسود كلها << كذا الذوق وألا فلا
وأحط عليها شطرطون أبيض قطعة قطعة قطعة << خليتها شبابية
وأمسك وألف شطرطووون على الدكسون كامل
وأكتب على الدركسووون من قدام ( ياقاهرهم ) << أقلد طاش ماطاش
وأركب فلشر قدام وفي الخلف
وأركب ( بوري ططاااط ططاااط )
لين خليت الدراجة تلق لق لايعلم به الا سبحانه

أول ماطلعت بها للشارع ألا العيال كلهم خاقين مع الدراجة
وأول من جاء عندي صديقي شنتر بن عداد وكان معه حمضيات لسى مافتحها
قال شنتر بن عداد / حشحوش تبغى الحمضيات والله مانفسي فيه << سياسي محنك
قلت هاتها والله وأقطها كلها << أقطها = أبلعها = أشربها

قال شنتر بن عداد / تكفى تكفى تكفى عطني دورة واللي يرحم لك أمك
قلت / والله لو ماتنقلع لأعطيك دورة بكف أنا توني مالعبت لسى وأذا عن الحمضيات هاك ريالك رح أشتر حمضيات
قال شنتر بن عداد / لأ لأ لأ والله ماآأخذه كم عندنا حشحوش أحنا

والله وأروح أفرفر من عند الورعان كلهم
وكل واحد مبقق عينه على الآخر

قلت / وخروا وخروا بسوي حركة
وأجي من بعيد وأنقز عن الحجر وأنقز عن علبة الببسي << حسيت أني شوماخر
والناس يصفقون لي وأنا رآفع خشمي محد قدي
ومن شدة الغرور حاولت أنقز من فوق الزبالة طخخخخخخخخ طع طخخخخخخخخخخ << صدمت فيها
وراحت الدراجة قطعة قطعة واقعد أبكي والعالم يتضاحكون

تعرفون لازم يصكووونك بعين مايخلوونك في حالك << يرقع مايبي يقولكم أنه مايعرف يسوف

وأروووح اليوم الثاني للسوق لنفس المحل اللي أشتريت منه الدراجة
قلت بروووح أمد لساني مرة ثانية يمكن الشخص الغريب يمر علي ويشتري لي دراجة مرة ثانية
المهم مديت لساني على القزاز ولحسته كله نظفته تنظيف والله لامرني شخص غريب ولايحزنون
ورجعت أجر أذيال الفشل والخيبة حتى صاحب المحل يقول ياليت تجينا كل يوم تنظف القزاز

Tha and

النهاااااااااية

@@@@@@@@@@@@@@@@@@@@@@@@@@@@@@@@@

نكتة اليوم

محشش طالع من الأختبار لابس بشت ومتكشخ

قالوله / عسى ماشر

قال / جبت العيد خخخخخخخخ

@@@@@@@@@@@@@@@@@@@@@@@@@@@@@@@@@

ومضة اليوم

ألا ليت العقل يعود يومن فأخبره بما فعل الحشيشو