الشاعر عبيد بن جرمان الديحاني المطيري { يوصي بها أبنه - 1958م }

تعال يارفاع عندي ابا اوصيك = أسمع وصات ابوك يومنه اوصاك
الكذب بالك لا يجي من طواريك = واحفض عبادة من نوابك وسواك
كانك تبي الطولات جود مراقيـك= واتعب على ياويلدي طول مرقاك
وافهـم ترى رأس الطويلة ينبويك= تشرف على الي من وراء ذاك مع ذاك
بنت الردي لاتأخذه لو تهاويك= لو هي تمدراء كنها مطرق الـراك
يجي ولدها خايبن مايصافيك= والى نصحته قال خابر بليـاك
أمجنبن دربك ورايك وطـاريك= والى عطيته شور في حسه أوذاك
دور هنوف(ن) جعل حضك يباريك= بنت الرجال الي يخوضون الادراك
يجي ولدها كنه السيف بيديك= سيف(ن)على الشده تحطه بيمناك
ترقد بظله مايجي من يجزيك= من هيبته كلـن يجنبـك منـاك
والى ومـرته طيب(ن) مايعاصيك= يحفض جناح الذل من حشمة رضاك
واخوك لو أنه يودك ويغليــك= الى شافبك خله وهو عفن خلاك
يخليك الى أستغنى والى فقر ياتيك= وملزوم الى قلة مواشيه ينصاك
الى جاك عطه أنكان واليك معطيك= وأن ماعطيته جاك ماجاه واعداك
وأما البناخي لاتحسبه يكفيك= خله بفاله واجعله من هذولاك
خله بفاله لاتشاني بناخيك= تراك الى كثرت مشناه ماجاك
ولاتعتزي في واحد(ن) ماعتزاء فيك= لوهو ولد عمك الى صادق عداك
الي صار يجلس عند ناس(ن) تعاديك= تراه ماينفع الى صار ضكاك
والكبر هو الزود حذراء يجي فيك= واحذر تعيل ولاتريخم لمن جاك
لاتثمن الخيره الى جت بلاويك= أضرب على الكايد الى عمست أرياك
أما تصيدك محكمات الشبابيك= والا تحصل غاية البال ومناك
ضم النصيحه جعل ربك يقديك= ولعل من عاداك فدوه لما طاك
وأبهش بوجه الضيف الى صار ناصيك= ترى الكلام الزين هو ملحة قراك
وحشمة بني عمك تعزك وتغنيك= أخير من رفقـه هذولا وذولاك

منقول

مشكور على هذا النقل

تقبل مروري

مشكور ابوفيصل على المرور