مرحباً ترحيبـة فيهـا حماسـه=بالرجال اللي لفوا من كل ديـره
شوفة اهل المنتدى عندي وناسـه=فعلهم طيـب وخبرتهـم كثيـره
كل واحد بالفخر مرفوع راسـه=رافعٍ راسه ومرتـاحٍ ضميـره
الرجل لا طاب ذا من طيب ساسه=عند وقفاته معه فكـر وبصيـره
فكروا والعلم ما نبغـى التباسـه=فالصغيره فكروا قبـل الكبيـره
أدرسوا كل النواحـي بالدراسـه=النقاش بلا هدف لا احدن يثيـره
بثوا الموضوع بأسلوب وسلاسه=خلو القاري يـود العـم غيـره
أستعدوا وأنبـذوا راع البلاسـه=من تواطى معه في ذنبه خشيـره
الردي خلوه يمشي فـي عكاسـه=لان ياقع وسط حفـره مستديـره
ما يفيد المجتمـع راع النجاسـه=عن طويل الهرج يكفينا قصيـره