ان جات من طيب شقاها على الطيب

مكثريـن الهـرج لااسـمـع ولااجـيـب=تريحـوا مــن فضلـكـم واسمـحـوا لــي
تـريــحــوا لاتـلـحـقــون الـمـشـاهـيـب=علـى الـردى مـانـي شـفـوق عجـولـي
بالعقـل والصبـر ادب النـفـس تـاديـب=والا لـهــا مـــده تــصــول وتـجـولــي
خلـج تــرازم فــي سـيـاج المحـاديـب=مافـيـهـن الــلــي بـالـعـقـال مـعـقـولـي
اشـد وطـيـة زور مــن شـمـخ النـيـب=اليـا ضـاع مفعـو ل الحيـل والحلولـي
انــا لاقـلـت ارتـــب الـقــول تـرتـيـب=حـتـى يـجـي كــي عـلـى فــك قـولــي
اليا ارسلـت لافكـار القريحـه مناديـب=ترايـعـن مــن عـقـب مـاهـن جـفـولـي
لـكـن مـالـي مــن وراهـــا مكـاسـيـب=لـو كـان عشـاق القـشـر صفـقـوا لــي
مامسـتـفـيـد الا الــعــدو والاجـانـيــب=ولانــي مـطـيـع مقرقـعـيـن الطـبـولـي
خليـتـهـا تـعـطـي فـجــوج مـجـاديــب=جـربـا تـجـود فــي رسنـهـا مهـبـولـي
والله لااجـنـب دام لــي درب تجـنـيـب=مـن شرهـة حـشـام الرفـاقـه خجـولـي
لـــو انـهــا بـيــن الـنـحـر والتـلابـيـب=مـن الحيـا وجـهـي مـهـوب مغسـولـي
طـبــع لـنــا نـشــب عـلـيـه ونـشـيــب=وطـبــيــعــةٍ لــعــلــهــا مــاتـــزولـــي
عـلـى الجمـاعـه للجمـاعـه مـواجـيـب=الا جـهـلـوا قـــدر الـرفـيـق الهـتـولـي
مانـي علـى ربعـي قريـب محاضـيـب=ادنـــاة مايخلـيـنـي اســـرج خـيـولــي
ان جات من طيب شقاها على الطيب=لـو انهـا اعــوج مــن رقـبـة الذلـولـي
وان جات من مسكين منطق واساليب=حطيـتـهـا بـيــن الــثــرى والـنـعـولـي
لاحـركـت شـعـره ولاطلـعـت شـيــب=ولاضيقـت صــدري ولاطــق جـولـي
وان كان في صبري على ميلهم عيب=العـيـب تفتـيـش الـصــرر والحـثـولـي
لاقمـت تـذكـر فــي رفيـقـك عـذاريـب=وتـبـيــن عـيـوبــه لــذولــي وذولــــي
صبرك علـى ربعـك عـلاج وتطابيـب=يـقـصـر حـبــال السـالـفـه لاتـطـولــي
حتـى مايلـقـا فــي طرفـهـا مقاضـيـب=كــــراه خــيــر وللـمـشـاكـل مـيـولــي
والـيـا بلـيـت بتـايـه شــره وصـعـيـب=يقـول انــا الـعـراف وانــت الجهـولـي
قــــل الله الله يـاحـصــان الاطـالـيــب=يالـفـاهـم الـعـالـم عـطـيـب الـفـعـولـي
هـذا الكـلام اللـي مافـي صحتـه ريـب=لانـيــب لاحـولــك ولانـتــاب حـولــي
حصان وبـن حصـان طيـب مجاذيـب=وبالمـعـرفـه رجـــل مـحـلـي ودولـــي
خلـه يـروح يخطـي الـدرب ويصيـب=يـقـول مابالـنـاس عـرضـي وطـولــي
والـفـرق مـاهـو باللـحـى والاشـانـيـب=الـفـرق بـيـن الـنـاس فــرق العـقـولـي
كـم واحـد تحسـن بـه الـظـن ويخـيـب=الـســن يـضـحـك والـفــواد مـعـلـولـي
واللـي غـدت بـه كلـمـة مالـهـا غـيـب=ماهو من اطيـب ربعـي اللـي غدولـي
يالله عسـاهـا صيـحـة فــي قـفـا ذيــب=وقـلـع الـنـيـا بـيـنـي وبـيـنـه يـحـولـي
الرجل مايغصب على الطيب تغصيب=اليـا صـار ماهـو دل ضمـن الدلـولـي
ومن عادة اللي طيبـه يحضـر ويغيـب=لاطـالــت الـرفـقـة زهــــوق مـلـولــي
والـيـا بلـنـك غـبـر الايــام بصـحـيـب=فـي مستـوى طيبـه صـعـود ونـزولـي
اعرف ترى الدنيـا دروس وتجاريـب=والـكــامــل الله والـنــقــا لـلـرســولــي
لاتصـيـر مـشـذاب يـقـص العـراقـيـب=خــلــه وراع الاولـــــه وش يـقــولــي
اخـذت حكـمـه مــن كــلام اللواعـيـب=للـطـيـب نـــاس ولـلـعـذارى فـحـولـي


الشاعر الافي الغيداني

صح السا ن شا عرها ونقل موفق مع جزيل الشكر الخوي عز الخوي ودي ومحبتي

صح لسان شاعرها لافي الغيداني ويعطيك العافية عز الخوي على النقل

صح لسان الشاعر لافي الغيداني

ولاهنت على النقل عز الخوي و شـكــ وبارك الله فيك ـــرا لك ... لك مني أجمل تحية .

المشاركة الأصلية كتبت بواسطة مسند مازن الزحزوح

صح السا ن شا عرها ونقل موفق مع جزيل الشكر الخوي عز الخوي ودي ومحبتي

شرفني اخي ابونافع مرورك الذي عطر الصفحه

صح لسان الشاعر لافى الغيدانى على هذة القصيدة الجزله
وسلامت يمينك اخوى عز الخوى على هذا النقل الرائع

صح لسان الشاعر لافي الغيداني

ولاهنت على النقل عز الخوي و شـكــ وبارك الله فيك ـــرا لك ... لك مني أجمل تحية .

نقل ممييييييييييز

صح لسان الشاعر الكبير لافي الغيداني

وتسلم يمينك أخوي عز الخوي على الإنتقاء الجميل




الله يعطيك العافية

صح السان الشاعر؟؟؟
وسلمت يدال اخوي (عز الخوي )على النقل الرااائع....
اللله يعطيك الف عاااافيه,,,,