محاورة بين شاعر المعلقات والكاتب القدير/عبدالرحمن العقيلي والشاعر/ناصر الضبيطي

عبدالرحمن العقيلي
شوفو لنا ناصر الليله تراه معزوم=راعي وفا والعشا عندي وانا عازمه
نبغا لنا شاعر (ن)مثله يسد اللزوم=يقضي لزوم الرجال ولا قضى لازمه

ناصر الضبيطي
مافيه ضيف ومعزب والحزام محزوم = المنتدى للجميع وقفتي حازمه
قاضي لزومي واحطك تحت مجهر وزوم = وشلون تلزم عصا ويديك متلازمه
عبدالرحمن العقيلي
ياهل الوفا بشرو ناصر تراه مهزوم=ومن كان مرتاع مثله لعنبو لايمه
وافي و رجلٍ شجاع ومن رجالٍ قروم=لاكن مع كل هذا هازمه هازمه

ناصر الضبيطي
ما ينهزم ياوجيه الخير غير الرخوم = ياساعة الضيق ردي سالم لسالمه
ما للعقيلي خيار الا يعد النجوم = ان كان ربي كتبها كاتمه كاتمه
عبدالرحمن العقيلي
وش وصلك للرطوبه وانت كاو الهدوم=قلي وش المصلحة يااللحية الغانمة
من طب وسط البحر لابد يعرف يعوم=والا توفا عسى الله يحسن الخاتمه

ناصر الضبيطي
الخير والشر يركض جيشهم كل يوم = اثر فلسطين دوله مالها عاصمه
ناصر يعرف الدروب السالكه والسلوم = ماينطح القوم غير بقوةٍ غاشمه
عبدالرحمن العقيلي
ياراعي القدس تكفا كان قلبك رحوم=جدة غزاها المطر وطيورها حايمه
حّرح عليها الضحى والعصر يامن يسوم=وامين صندوقها خسران فمساهمه
ناصر الضبيطي
عساك تملك على الدنيا حروف ورقوم = لو ان نفسك على اللي فاتها نادمه
ان كان تبغى التجاره لاتفكر بنوم = عساك تلقى السعد فليالك القادمه

الله لايهينك يابوراكان

على تقديم هذه المحاورة

وتقبل خالص شكري وتقديري

مشكووووووووووووووور يابو ركان لاهنت

المشاركة الأصلية كتبت بواسطة عبدالرحمن العقيلي

الله لايهينك يابوراكان

على تقديم هذه المحاورة

وتقبل خالص شكري وتقديري

لاهنت يابو حمد ماسوينا شي.
وصح لسانك وصح لسان الشاعر/ناصر الضبيطي على هذه المحاورة

محاورة جد رائعه وصح لسان الشاعر المبدع أبو حمد (عبدالرحمن العقيلي) وصح لسان ناصر الضبيطي ومحاورة جاءت قوية جداً بين الشاعرين..

ليسة غريبه على شاعر المعلقات (عبدالرحمن)هذه القوه والحبكه للمعنى ولانتقاءالعذب اللقافيه ابداع من كل الطرفين
وصح لسان الشاعر ناصر الضبيطي

ماشالله شعرا من الوزن الثقيل
شكرأ يابو ركان على المجهود

تحيتي