لو لا اللثام اللي على الوجه ملمـوم=كان النحل يجنـي مقابيـس فمهـا

غير متواجد حالياً

لو لا اللثام اللي على الوجه ملمـوم=كان النحل يجنـي مقابيـس فمهـا
جوري وكمبودي وعنبر ويشمـوم=ماهوب شـي ٍ عنـد بنـة نسمهـا
والعود متناسق ومـزوي ومزمـوم=وجرت خطاها مثـل جـرت قلمهـا
كله بكوم وطقـت الخطـوه بكـوم=تهزهـا مـن راسهـا لا قدمـهـا
اللي لها في داخل القلـب مرسـوم=رزت على اطراف المحاني علمهـا
وانكف بعد ماصابني منـه بسهـوم=ولاعاد أميز حالتـي مـن عدمهـا
يحرم علي طرد الهوى حرم زقـوم=مع غيرهـا لـو ان ربـي قسمهـا
حلفت يادرب الهوى عنـه ماشـوم=يوم العرب ماهيب ترخص شيمهـا
خوالهـا شمـر وعمانهـا بـقـوم=خذت من انساب الجزيـره قممهـا
ومن لامني ياعل ماهـوب مرحـوم=اللي عجـز عـن علتـي مافهمهـا
عساه في درب العنـا دايـم الـدوم=وجعـل المنيـه مايفوتـه سمـهـا
تكفى يابوتركي ترا اخوك مضيـوم=حسبي على اللي حالتـي مارحمهـا
ارسلت لك خطي على الظرف مختوم=وساع البريد اللـي طبعهـا ختمهـا

يامنـبـع الأشــواق سـلـم عـلــى الـشــوق=وقـــلــــه تـــــــرى نـــــــواف زاد إشــتــيــاقــة
الـحـب فــي قـلـبـي تضاعـفـلـك اخـفــوق=والــحـــب زاد الـــحـــال أبـــقـــو انـخـفــاقــه
يــابــنـــت يــاحـــلـــوه ويــاصــحــبــت ذوق=ذوقــــي حـلاحـبــك تــــرى الـقـلــب ذاقـــــه
المجلـس اللـي جـاعـل القـلـب مـحـروق=وايـضــا ولـــه خــــل(ن) يــزيــد احـتـراقــه
يـابـنـت قــــدرك داخــلــي اعـتـلــى فــــوق=ياقـمـرت(ن) ضـــوت طـريــق الـصـداقـه
بـرفــوق يـاخـلـي عـلــى الـقـلـب بـرفــوق=ارجــــــوك عـامـلــنــي بــعــطــف الــرفــاقــه
ياعقـد لولـو مـع ذهـب صــار منـسـوق=مـنـسـوق لأهـلــه وزدت انـــا بانسـيـاقـه
شف سهم حبك لو جعل داخل السوق=كـــــان الــتـــداول عـــــم قـلــبــي وســـاقـــه
الــكـــل يـعــلــم كـــــل مـــطـــرود مــلــحــوق=مـيـرالــبــلــى بــالــقــلــب مــــابــــه لـــيـــاقـــة
يـابـنــت يالله ارفــقــي بــحــال مـطــفــوق=لاتـتـعـبـيــن الــقــلــب يــكــفــي انـطـفــاقــه
الـشــوق ذابـحـنـي وذابـحـنـي الــشــوق=يــــاخــــل ذابــحـــنـــي بــــحــــر اشــتــيــاقــه

القصائد منقوله والصور من تصميمي
أتمنى تنأل إعجابكم