تٍأكٍد غٍيٍبٍتٍي هٍذيٍ عٍشِآنٍك أٍنِتٍ .. [صٍدٍقٍنٍيٍ]

شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !




كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!






كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !



حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني



غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..



أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني



إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !



غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !



ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!



واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !



لذلك قلت في نفسي أبي أبعد عن دروبك ..
تأكد غيبتي هذي عشانك إنت ... صدّقني !

كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!


كلمات ولا أروع.. يعطيك العافيه عذوب الغلا

الله يعافيك

قصيده رائعه
يعطيك العافيه اخوي

قصيده اكثرمن رائعه الله يعطيك العافيه

قصيدهـ رائعهُ ..
صح لسآن قآيلهآ ..
تسلم يمنآك على النقلُ الراقيُ ..

الف شكر لك أختي عذوب الغلا على النقل المميز

قصيده غايه في العذوبه

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!

الله على الانتقاء اختي عذوب الغلا
مشكوره ... وننتظر الاجمل

قصيدة رائعه صح لسان شاعرها