متنين و عضود...!

حرّك طواحين الشعر هرج مقصود=هرجٍ مشآبه من يوثّق اصداره
تضرس رحاة القاف من علم مردود=وبعض العلوم تْزيد كبدي مراره
ماهي بمرّه كمْ وكمْ عنه مسنود=ماحاز طيبٍ حاز شين العباره
حثيت بــ/وجيه الحواسيد بارود=وقدحت من جزل القصايد شراره
من طاح من عيني فلا هو بمفقود=شعره طرحها وقت ماهي خساره
العمر رحله دربها ماله احدود=والوقت رخصه والنوايا استماره
مسكين يارجلٍ مع الناس موجود=موجود هيكل رجل خاسر وقاره
مسكين ياللي بدّل الطيب منقود=ومسكين يارجلٍ يقلْ اعتباره
من لا يحط النِعم متنين وعضود=عزي لحاله ماتت اليوم ناره
واللي فَلَح بيموت لــ/النعم عنقود=إمن الفخر والصيت يجني ثماره
منابت السمعه لها زرع محصود=في حزةٍ ثوّر بقبرك غباره
والرجل صدره مالكٍ كنز مرصود=والصمت في حزات عزّ ومهاره
إغنم رجال الطيب والعرف والجود=في مدهلٍ بيض النوايا شعاره
حب الرفيق اللي مع الطيب مولود=وإلاّ الردي طوباك قلعتْ مزاره
ارتك على اللي كنّه الضلع مشيود=سدٍ لسيل الوقت وقت انحداره
وهرّاجة المجلاس قاده على جنود=وقت الرخا وصلوا سهيل إبمداره
شوف الآماني بين مبني ومهدود=وكلٍ قدح بالكذب واشعل وجاره
هرج الليالي جايز سهود ومهود=وكلٍ على فعله يُحَدَد مساره
الوقت يفتل للقدم حبل وقْيود=ياكم بصيرٍ ضايع فــ/هول كاره
بوقت الشدايد يَكبرْ القش بالعود=والعين فيها العُود صعب انكساره
ون ولّعت بالجوف كلمات مقرود=خلك شبيه العُود من فوق ناره
أكظم على غيضك ليا صرت مضهود=وباب الوسيعه عند ربك مداره

صح لسانك يصالح

وبيض الله وجهك على هالابيات الجزله

يعطيك الف عافيه وماقصرت .. وبنتظار كل جديد منك

صح لسانك واعتلى شانك اخوي

نص مُفحم بلا شك ..
صح لسانك يا صالح بن عمار حتى ترضى ...






يراودني أعتقاد أو فلنقل وجهة نظر بأنك تُصر ياصالح على حصر نفسك وقولبتها
بـقالب أو ( نمط ) شعري معين
تماماً مثل ماطُرح داخل إطار هذا النص ..
ورغم جمال هذا النمط وجزالته وقوة عبارته ,
إلا إني أتمنى أن أقرأ لصالح بن عمار قصيدة بعيدة كل البعد عن هذا النمط
وقريبة كل القرب من النمط " الغزلي " بالشعر ..



قد أكون طماعه ... لكن إعذر لي طمعي
فمثلك نطمع بأن نقرأ له المزيد ...


تحياتي ..

إغنم رجال الطيـب والعـرف والجـود -- فــي مـدهـلٍ بـيـض النـوايـا شـعـاره

اخوي صالح

صح لسانك على هالقصيده الجزله وانت شاعر علم وجزل ولاتأتي الا بالدرر الجميله

وانا من المتابعين لك رغم انك طولت علينا هالمره

والاخت القديره شلاحيه تود ان تغير نمطك وحنا والله انه معجبنا قصيد صالح كيف ماراد هو

(اغنم رجال الطيب والعرف والجود )

وحنا اللي كسبنا شاعر بحجم اخوي صالح ونحن نفخر بانتمائك للأعضاء منتدى النخبه

يابن العم

دمت بخير

يعطيك الف عافيه

تقديري لك

صالح عمار
تطيل غيابك وتاتي محملاً بالغنايم
صح لسانك يابن عمار
قصيده لاتكتب الا من شاعر ينحت من صخر
تقبل ودي واعجابي
ياصاحبي
.

المشاركة الأصلية كتبت بواسطة ساكب الحرف

إغنم رجال الطيـب والعـرف والجـود -- فــي مـدهـلٍ بـيـض النـوايـا شـعـاره

اخوي صالح
صح لسانك على هالقصيده الجزله وانت شاعر علم وجزل ولاتأتي الا بالدرر الجميله
وانا من المتابعين لك رغم انك طولت علينا هالمره
والاخت القديره شلاحيه تود ان تغير نمطك وحنا والله انه معجبنا قصيد صالح كيف ماراد هو

(اغنم رجال الطيب والعرف والجود )
وحنا اللي كسبنا شاعر بحجم اخوي صالح ونحن نفخر بانتمائك للأعضاء منتدى النخبه
يابن العم
دمت بخير

والله إنه عاجبني يا أخوي ياساكب الحرف حتى أنا
وهالجزالة لا بد بتعجبنا ..
لكن القصد ليس التغيير كـ كُل
بقدر ماهو رغبة وطمع في قراءة المزيد من ماتجود به قريحته المُدهشة ..

صالح عمّار


تسير في خطى ثابته

صح لسسسسانك ياجميل

احترامي لك ولحروفك

تحيه

آل النخبه الأوفيـــــاء
صح أبدانكم جميعاً وبيض الله وجيهكم ولاهنتم
إلى كل من مر ولم يعلّق كل الشكر لكم على كرم القراءه فــ/هذا يكفيني..!
:
:
الفاضله / شلاحيه مطنوخه
قريباً ستقرأين مايثلج صدرك بإذن الله





إحترامي لكم جميعاً