قصيده الشاعر/ماجد سلمان المريبيط@@(الحمـــام)-

بسم الله الرحمن الرحيم
الحمـام

ولا يالحمام اللي تجر اللحون عصير= أمانه معــك لا ترفــع الصــوت وتجــره
دخيلك تخفي صوتك العذب ولا طيـر =على شان مـا تبحث خفاء القلب وتضـره
وتر كل ماتعد بصوتك مســون خيــر= ونــا دور اللــي ينفــع القلــب ويـســره
أسائر زماني وتطــور مـع التطويــر =وعالج قضايا الوقت وصبر على حــره
وكمـل لزومي وتعـذر عـن التقصـير =ولا قول وش سويت يا عــاقل المـــره
وعدل قدم رجلي قبل فالطريق ايسير =ولا شفــت لـي جـاهـل تعوذت من شــره
وقدر وجيه الخير والي لــهم تقديــر =ولا نشد عن اللي يجمع القرش ويصـره
درست الحقيقه درس من يوم كنت صغير =وبحاول أصنـع مـا صنـع عالــم الــذره
ولايا جبال إطويق مدري جبال النير =نكبك الزمـان اللـي بـه النــاس منغــره
جبال ماجاء في روسها غير ذيب وطير= وجتها النجوم الشهب من فوق منثـره
كذا صارت الايام تفتر مثل السيــر= أحــد راح فولهــا وحـد ماسـك الجــره
ولو صطوة الفارس لها فالعرب تأثير =تجيــه المصايــب والمقـاديــر مفتــره

الشاعر/ماجد سلمان المريبيط

صح لسان الشاعر/ماجد سلمان المريبيط على هذه القصيدة المميزة التي أضفتها لنا اخي ولد الرفايع فلك كل الشكر والتقدير وننتظر قصائد أخرى للشاعر ..

صح لسان الشاعر ماجد بن سلمان على القصيده الجزله


وبيض الله وجهك يولد الرفايع على منقولك المميز لها

سلام عليكم ورحمه الله وبركاته
بالله افيدوني كيف اضع صوره في صور نادره من رجال امطير
كيف الطريقه بالتفصبل لو سمحتو

صح لسان الشاعر ماجد بن سلمان على القصيده الجزله

وبيض الله وجهك ياولد الرفايع على هذا النقل الجميل

صح لسانك اخوي ويعطيك العافية

صح السان الشاعر ومشكور اخوي ع النقل