قصيده للشاعر بادي الزنغوب

انقل لكم مشاركة الشاعر/بادي الزنغوب في حقل ابناء الشيخ خلوي بن سمران الذي اقاموه لابناء الشيخ سعد بن سميليل القحم بمناسبة سلامة المقدم /محمد سعد القحم من الحادث المروري الذي تعرض له والذي كان بتشريف كلا من الشيخ نايف ابن بركه ابن مدلج والشيخ دحيم بن فيحان ابن مدلج والشيخ ناصر بن خالد ابن مدلج والشيخ بدر بن ناصرابن مدلج والشيخ نايف بن مزنان وجمعاً من كبار الشخصيات واليكم القصيده!!!!!!

على سلم الرجال اللي تقدم دلة الرسلان =وعلى سلم الكريم اللي يكمل حق ضيفانه
هلا يامرحبا ترحيب لو يوزن على الميزان =عليه بالحرام انه ليرجح فوق ميزانه
نقدمها تراحيباً تجملنا مع الضيفان =نقدمها لبو خالد وابو سلطان واخوانه
عسى ربي يحييكم من اللي باسهم مالان =مشاعرنا بشوفة ربعنا بالشوق ولهانه
بنيخينا ليا جونا نبا نختار في القيفان =لأن الشعر فيهم فاتحاً قفله وبيبانه
بيوت الشعر ندهنها بدهن المسك والريحان =ولانرضى البيوت اللي ماهي جزله ومليانه
تعودنا نقول الشعر ونغنيه بالالحان =وناخذ من بحور الشعر لولوه ومرجانه
وعلى شان الرجال اللي لهم فالطيبه عنوان =احب اتعب على شعري عشان تزين قيفانه
لك الله تستحقون الكرم والطيب والعرفان =ولاينسى الرجال الا رجالن مالهم خانه
لك الشكر كله وبسلامة رفيع الشان =سلامة أبو سلطان كالغيث وأمزانه
تزاحمله بيوت الشعر بالإثبات والبرهان =لانه يستحق الطيب بشكاله وبالوانه
جمع كل المراجل دون عيباً ولانقصان=عسى تفداه حساده عسى تفداه عدوانه
وانا ماقول غير الحق لاتايه ولا غلطان=كلام الحق باثباته كلام الحق برهانه
ولاهانو شيوخاً فعلهم من ماضي الازمان= شيوخاً فعلهم صعباً على التاريخ نسيانه
شيوخاً يو م ثور النار والبارود والدخان=ياكم شيخاً بفعل ايمانهم حول من حصانه
زعامتهم قديمه من زمان الخيل والفرسان=ماهي شيخة بشوتاً جابها التاجر بميلانه
وريثين الشداد اللي لهم وقفه تهد أركان =لو تحول على الضلع الكبير تزعزع أركانه
ليا عدو ابن مدلج تفاخربه ذوي ميزان=تفاخربه ذوي ميزان لنه عالياً شانه
واذا قالو ابن مزنان يعرف فعل ابن مزنان=ليامنه قبس راس الفتيل وشب دخانه
اقوله في حفل ربعي بني عمي ذوي سمران=مقابيس الرجال اللي تحب الطيب واعوانه
رجالن طيبهم معروف لو شان الزمان وزان=عوايد كل واحد يكسب الطاله بذرعانه
وتمت والله يحي الجميع وكل طيب بان=يقوله بادي الزنغوب والميدان ميدانه

صح لسان الشاعر بادي ولاهنت يامتعب الزنغوب

الف شكر يالدولي

السلام عليكم ورحمة الله وبركاته وبعد /

قصيدة جميلة في مدح من يستحق ويا حبذا لو غيرت صيغة القسم ( عليه الحرام ) بإحدى صيغ القسم الثلاث (
تا لله ، ووالله ، وبالله )
إذ لا يجوز الحلف بالله بغير هذه الصور. وفقكَ الله لما في خير الدارين ( الدنيا والآخرة ) .

ودمتم سالمين .

صح لسان الشاعر بادي ولاهنت على النقل

صح لسان الشاعر بادي الزنغوب ولاهنت ياخوي متعب على نقلك الرائع
.

صح لسان الشاعر باااااااادي

صح لسان الزنغوب ولا هنت على النقل أخي متعب