ضلوع الليل...!

على ضلوع الليل غنّا سكونه.=جاوب غيابه والمحبه مكيده.
المشكله في قلب منكر لحونه.=الكبر صابه مدري اعلن شديده.
مات الوصل بالدمع درت عيونه.=همال دمع العين شب الوقيده.
القلب بستان الغلا في غصونه.=الغصن حن وشال لجله قصيده.
يبقى وداده لابدن في مزونه.=صدري سما قلبه ومَرّات بيده.
حبه نزل قلبي و ورث شجونه.=حبل الجفا طوّق فؤادي بقيده.
طاوعت قلبي لين باتت فتونه.=والحب محد ٍ حرمه فالعقيده.
قلبي من الاسباب كَلّت متونه.=زود المحبه والعهود الجويده.
من حبه انشد كيف حاله ولونه.=قالوا سعيد وقلت ربي يزيده.
وصيتي حرفين ياللي تجونه.=بيت القصيد وجملة ٍ له مفيده.
اللي يشوفه ياخذ احزان كونه.=ويسوقها لقلبي وله ما يريده.
ماابيه يشقى بالزمان وسنونه.=ابغاه ينعم في حياة ٍ سعيده.
الزين باع الهجر وآنا زبونه.=كله لجل عشرة سنين ٍ بعيده.
لو العمر يهدى بحقق ظنونه.=بعطيه نص العمر والا بازيده.
خسارة الاعمار فدوة عيونه.=تفداه نود مْن المشاعر عديده.
القلب باعه والهوى مايصونه.=بنك الغلا بالحب فايض رصيده.
الود يسأل قلب زادت طعونه.=ياكيف دم القلب ينكر وريده؟

صح لسانك اخوي صالح ويعطيك العافية

صح لسانك ياصالح قصيدة جميلة
تقبل مروري....

صح لسانك . قصيدة جميلة

القلب بستان الغلا في غصونـه.

الغصن حن وشال لجله قصيده.

يبقى وداده لابدن فـي مزونـه.

صدري سما قلبه ومَرّات بيـده.

صح لسانك ابوعمار لم يعد لدينا شيئ سنضيفه الى هذا الجمال ابداع في الوصف صالح مميز

ويأتي من حيث عجز عنه الاخرون كلما مررت على بيت وجدته يبحر بي في مساحة خاصه

انت شاعر ملهم قد تاصلت شعرا مأاجمل هاذين البيتين فقد راقت لي كثيرا دمت بخير

صح لسانك أخوي صالح بن عمار

المشاركة الأصلية كتبت بواسطة صالح بن عمار

على ضلوع الليل غنّا سكونه.=جاوب غيابه والمحبه مكيده.
المشكله في قلب منكر لحونه.=الكبر صابه مدري اعلن شديده.
مات الوصل بالدمع درت عيونه.=همال دمع العين شب الوقيده.
القلب بستان الغلا في غصونه.=الغصن حن وشال لجله قصيده.
يبقى وداده لابدن في مزونه.=صدري سما قلبه ومَرّات بيده.
حبه نزل قلبي و ورث شجونه.=حبل الجفا طوّق فؤادي بقيده.
طاوعت قلبي لين باتت فتونه.=والحب محد ٍ حرمه فالعقيده.
قلبي من الاسباب كَلّت متونه.=زود المحبه والعهود الجويده.
من حبه انشد كيف حاله ولونه.=قالوا سعيد وقلت ربي يزيده.
وصيتي حرفين ياللي تجونه.=بيت القصيد وجملة ٍ له مفيده.
اللي يشوفه ياخذ احزان كونه.=ويسوقها لقلبي وله ما يريده.
ماابيه يشقى بالزمان وسنونه.=ابغاه ينعم في حياة ٍ سعيده.
الزين باع الهجر وآنا زبونه.=كله لجل عشرة سنين ٍ بعيده.
لو العمر يهدى بحقق ظنونه.=بعطيه نص العمر والا بازيده.
خسارة الاعمار فدوة عيونه.=تفداه نود مْن المشاعر عديده.
القلب باعه والهوى مايصونه.=بنك الغلا بالحب فايض رصيده.
الود يسأل قلب زادت طعونه.=ياكيف دم القلب ينكر وريده؟

سلمت ودمت ..

صح لســـــــــــــــــــآنك


تقبل خالص شكري تقديري




في شوق للمزيد منك ~

صح لسانك اخوي صالح ومن إبداع الى إبداع

منتدى النخبه

بيض الله وجيهكم جميعاً
وصحت أبدانكم ولاهنتم على هذا المرور فأنتم الأدب بل منبعه
أقلامٌ كثيره هنا لها قوتها الأدبيه والفكريه الواسعه ولها في القلب
مكانه ماحييت لن تتغير أبداً.
صح أبدانكم مرةً أخرى من مر وعلق ومن مر وتذوق.
وكل عام وأنتم بخير
وكتب الله لنا ولكم في رمضان وباقي الشهور الأجر والثواب

إحترامي

صح لسانك اخوي صالح بن عمار على القصيده الجزله


يعطيك الف عافيه