قصيد لشاعر / فارس بن مقحم الميزاني بعنوان / يلفي على الطيب

ياراكب اللي يطوي البعد ممشاه = يطو الفيافي والرقاريق طيا
الزيت كامل ولاديتر قبل ماه = ياخذ شهر مازيدله كوب ميا
اليا مشا ثم الدريول تولاه = وخطه توسق عبلتاً كاهميا
قام ايتنهض ويتزايد من اقصاه = يشبه الفرخاً مطلقينه عشيا
غادر عفيف امع العشا يوم صلاه = وشريق يم الديره الوايليا
فوقه اغلاماً يوصل العلم منهاه = قرماً المشوار الخرايم امهيا
يلفي على الطيب ارواضي وشرواه = رجل الشجاعه والكرم والحميا
من لابتاً تعرف نهار المثاراه= تعرف بوقت الدين والجاهليا
الاد وايل محتمين المخلاه = عسالهم في كل ديره بقيا
يعطيه خطاً كاتبه له ويقراه = فيه السلام وفيه مية اتحيا
وليا قراه وبان له كل معناه = خله يرد اللي يرده عليا
حيثه من اللي مايبا علم ووصاه = وعند خبر فالبينه والخفيا
ويابن مزيد الصبر ماعاد نقواه = ونته ومثلك ماعليكم اكنيا
لي صاحباً منساه لو قلت ابا انساه = منساه زالني على الارض حيا
انساه كيف انساه والنفس تهواه = ولقلب ماله يم غيره انحيا
اليا قلت ياقلب العنا كب طرياه = عيا او عيا ثم عيا او عيا
عيا او عياًن العيون المشقاه = مفتونتن في حب زين المحيا
ابغاه انا والقلب ولعين تبغاه = ابغية مني قويه قويا
والله ثلاثاً ثم والله والله = منسى لطيف الروح الانه تهيا
وان ماتهيا ماتحملت فرقاه = والله اليا ذبحني بحبه اهنيا
وتل قلبي تلت الغرب برشاه= من عوهجً تسعين قامه ارويا
تله غشيماً ومزع ونكفى ماه = ولبير عوهج وشحنتها الدليا
على الذي ماشفت فالكون حلياه = حتى النجوم اللي اخلاف الثريا
يشبه المطلاع القمر عند مبداه = استغفر الله كان فيها خطيا
سبحان رباً صوره ثم سواه = بزين فصل صورته هسويا
كل الوصوف الطيبه من مزاياه = فيه اذكاء ولطيب والقابليا
عليه قلبي حايماتن ضماياه = مالي سوى مضنون عيني ابغيا
يالقرم يوم اتمر داره او تنصاه = سلم على راع المزوح النقيا
ثم الخبر هاته اوجود خفاياه = هيا عليه يابن الاشراف هيا

السلام عليكم ورحمة الله وبركاته
يعطيك العافيه أخوي خالد الميزاني على هذي المشاركه وصح لسان الشاعر

صح لسان الشاعر فارس بن مقحم الميزاني ولا هنت أخوي خالد على النقل..

أبن مصاول

صح لسان الشاعر فارس ولاهنت

أخوي خالد على النقل