يالله ترحمنا بعفوك ورحمتك

يالله ترحمنا بعفوك ورحمتك = يالله ترحمنا وترضا علينا

ياذا الجلال الي عظيمه جلالتك = يالله تقدرنا رضاوالدينا

اقولها وانا حياتي بدبرتك = مدري متى سهوم المنايا تجينا

جاني غلام وقال نبغانصيحتك = وحنا لنصحك كلنا سامعينا

قلت استمع وان كان دنياك غرتك = ترا الليالي تفجع الغافلينا

واكبر فخر انك بالاسلام فطرتك = لك الفخر انك من المسلمينا

لكن عزز مع إلهك علاقتك = اد الصلاه وكن من الصايمينا

وأد الزكاه ولاتهاون بحجتك = وهلل وكبر والعرب نايمينا

واحرص على الي بأول العمر ربتك= امك امانه لو تطول السنينا

الي بطول الوقت تسهر لراحتك= يمك تناظر كل ساعه وحينا

وابوك يحسب ويتحرا رجولتك = يبغاك بين الناس حصن(ن) حصينا

وعلى القرايب لاتكاثر زيارتك = وخلك من اهل الطيب والشاكرينا

وعلى رفيقك لاتماري بزلتك = وابعد عن اهل الحسد والحاقدينا

واهم حاجه يابن الاجواد سمعتك= احرص عليها واترك الخايبينا

ماكل رجال يتمنى سلامتك = ولاكل مخلوق(ن)تحطه ضنينا

واصبر على الزله من الناس لاجتك= وخلك حكيم وساعد المعسرينا

وعند الضعايف لاتدور لحاجتك = خلك شجاع وصاحب الطيبينا

ولامن عكفان الشوارب تحدتك = اقلط على الجزله بجنب(ن) متينا

افرض على الشجعان طيبك وهيبتك= والله على كل الدعاوي يعينا

ومن دون حقك لاتردا عزيمتك = طب البحر واسبح مع السابحينا

حتى ولوهذي تقرب منيتك = الموت حق وكلنا ميتينا

وموت الشجاعه فيه تحسب شهادتك= اخيرلك من صحبة التافهينا

صح لسانك ياعبد الرحمن غلاب على هذهي الابيات الجزله ولاهي غريبه عليك الجزاله وانت معودنا على جزالة شعرك لله درك

صح لسانك ابو عيسي الله يعطيك العافيه علىالابيات الجزله دوم متميز وانتظر جديدك

صح لسانك يابوعيسى وقصيده جزله من شاعراً جزل

أبو عيسى : تبّاً لِ كيبوردٍ لا يكتب لكَ ( صح لسانك ملياراً )

صح لسانك ملياراً .

صح السا نك يا البو عيسي علي هل البيا ت المفيده في النصح مني كل الشكر والحترام

صح لسانك ياشاعرنا على هذة القصيدة الرائعة وماتتضمنه من معاني جزلة ونصائح قيمة

تقبل مروووووري

صح لسانك يابوعيسى

يعطيك الف عافية

صح لسانك يابوعيسى على هالقصيدة الشامخة.

صح لسـانكـ اخ ابو عيسى وننتظر جديدكـ