معادله محسوبه...؟؟

اسعد الله اوقاتكم
.
.
.
.

اسمع القاف الجديد اللي فتحت ابوابـه=ابتدا والشعر في صدري جمل مكتوبـه
المعاني درهمـت والليـل ليـل ذيابـه=والقصيد الليله افكاره ماهـي مرغوبـه
ان كتبته شفت هم الوقت يغـرس نابـه=وان تركتة ضعت في حلمه وبعد دروبه
ليلي مجابه معه والفكـر راح مجابـه=قلت اطيعه ياعسى افكاره تضوغ اسلوبه
استخرت الله وقمـت ارتبـه واشقابـه=واكتبه واحيان يسبقني ويكتـب عوبـه
انشقاق الصف عند العرب طق اطنابـه=هم نسو بان الـدول منهوبـة" مسلوبـه
البشيـر ودولتـه تشـر لهـا السبابـه=يالله دخيلك عسى ماهي بعـد مطلوبـه
كـل مافكـرت واليـا امـة" منصابـه=العـدو خطـط لهـا قوميـة" مكذوبـه
مالها عـز" بغيـر اسلامهـا وكتابـه=لو تحاول مالها غير الهـدى والتوبـه
نترك الموضوع عند اللي تفك انشابـه=عند منهـم لاتراكـو للحمـل قاموبـه
خلنا فيك انت وغياب" جهلـت اسبابـه=اقلـط الخفـاق قـدم للوفـا ماجوبـه
مرحبابك ياللي ابعده الزمـان وجابـه=ياهلا بك من هنا لين ارتويـك عذوبـه
لين احس ان الفضا ورد" تفوح اطيابـه=لين اشوف النارفي صدر الغلا مشبوبه
ياهلابك ذاب شمـع المفـرده وانتابـه=نشوة خلت بعـض وقفاتهـا محجوبـه
قول وينك واللحن شكره على زريابـه=غن به مافيه عرق" ماغـلاك يجوبـه
والا اقول اسكت ترا عين الوله نهابـه=علمتني كـل شـي بدمعـة" مسكوبـه
كنت اشوف الليل موحش مثل ليل الغابه=بس انا والشعر وابيات العنا المكتوبـه
ابتسم واسمع قصيد"لك فتحـت ابوابـه=الغلا والشعـر فـي معادلـه محسوبـه

.
.
.
.

بدر سعود العرافه

اولا يامرحبا يابو سعود ومن طول الغيبات جاب الغنايم

وصح لسانك وبيض الله وجهك ولاهي غريبه عليك القوه في القصائد

وانا احد جمهورك حينما ابدعت في شاعر العرب ولا زلت من جمهورك

ومعرفتي لك شخصيا وسام على صدر سند بن محمد

وصح لسانك ملااااييين ولا تحرمنا من وجودك ولا من جديدك

صح لسانك اخوي بدر العرافه وبيض الله وجهك وحضورك شرف للجميع

صح لسانك يا بدر العرافه قصيدة لا أروع منها الا المشاعر الصادقه والجميله التي نتجت عنها هذه القصيدة الرائعه

صح لسان الشاعر بدر العرافه وقصيدة جزله من شاعر عرف بالجزلات ..

نقف امام هذا النص أحتراماً وتقدير لكل كلمة نضمت بها أبياته ولله درك ...ننتظر جديدك وإبداعك دائماً

صح السانك بو سعود فأنت شاعر سما بالمعني فوق السحاب
واللهمت القوافي بمفردتك الجميلة وتربعت في قلب أخوك قاسم الزراقي محبتاً في الله .
صح لسانك صح السانك صح السانك
وأعتلى شانك .

صح السانك وعتلى شانك مبدع ومتألق يابو سعود ..

تقبل مروري واعجابي بما تكتبه لنا ..

أبو سعود مــــــــــــــــبدع في كل حالتك

والكلام لايوفيك حقك

وان من جمهورك وأراهن ع شاعريتك عند اطلق شنب

أخوك مــــــــجري الهيــــــــــــاب

صح لسانك شاعرنا / بدر العرافه وقصيده جزله من شاعراً جزل
وننتظر ابداعاتك يابو سعود

صح السانك وعتلى شانك مبدع ومتألق يابو سعود ..