لاسقى اللة زمان فية حظي شحوح كل مااقبل يصد وكل ماقام طاح

غير متواجد حالياً

لاسقى الله زمان فيه حظي شحوح

تدري وش اللي عناه غير كل الجروح..؟
لا نه يهدك كسير وممتلي بالجراح..!

لا صرت مقبل وكلك امنيات وطموح..
وفجأه..احلامك تناثر كلها أدراج الرياح..

ماعاد يرجع زمانك والا انت تقدر تروح..
للزمان اللي تركته بعد عشره وراح..

مابقى غير الصبر واضح كل الوضوح..
اللي من سنين عده ماوقف واستراح..

من دفنت الطفوله بأمنيات الجموح..
وامتطيت الخيال اللي من الفكر لاح..

ودعت كل البراءه فوق ذيك السفوح..
والدروب اللي بكتني والمسا والصباح..

واغنيات المطر واللعب والمزوح..
والوجيه اللي دعتلي بالهنا والصلاح..

واتجهت لطريق عيت اسراره تبوح..
لين ضاعت سنيني ولا لمحت النجاح..!

بين صوت الحنين اللي بقى فيه روح..
وآخر انفاس الامل بالفرج والفلاح..

ضايع لادليل الا انتظار وجروح..!!
مثل طير سجين ومنكسر له جناح..

والمكان اللي هجرته ذكرياته تلوح..
كل ماهل دمع بالخفا واستباح..

كل غصه دفينه ماتجرت تبوح..
بالندم والندامه مثل طعن الرماح..

يازمان الطفوله كل صبح صبوح..
اذكرك يوم كان كل شي مباح..

لاسقى الله زمان فيه حظي شحوح..
كل ما اقبل يصد وكل ماقام طاح..!!

جيت كلي امل وابتهاج وطموح..
وكل حلم حلمته ضاع مثل الرياح..!

م/ن
لمعة بين الجواهر ماسة ومن داخل القلب حساسة