هـــــــــــــــــذا مردي على الاخ الشاعر بناخي الزحزوح

غير متواجد حالياً

خط(ن) لفا عليه سقت البشاره=من شاعر(ن)والنعم والله وزودي
بالطيب ماجد دايم(ن)فالصداره=والشبل قالوا من عرين الاسودي
ابوه شغموم(ن)براسه نعاره=محمد اللي ياعسا فالوجودي
وخواله اللي معرفتهم تجاره=اهل الشجاعه يوم قدح الزنودي
من عزوة(ن)تارد على الموت غاره=تحت لوا قوم(ن)تصح الرقودي
ياماجد اسمعني وتكف الاشاره=من خاله الزحزوح يرقا سنودي
لشعر حطيتوا سفير وسفاره=انته وخالك والخلايق شهودي
قريت فكري وشتركت ابمساره=وانته عضيدي لاتراخت عضودي
وانا اشهد ان الجيب لوهو غماره=موتر وشادوبه عيال الزيودي
يشريه من لاقالوا اتموت ناره=مليار دير ولا يعرف القصودي
ماهو مثل من راس ماله زراره=مابين قرض الراجحي والهنودي
الهندي اللي في سوا شطاره=لاجيت ابي مقضاه ينثر ورودي
وقدام باب البيت سوا خفاره=يقول جالراتب وهات النقودي
والله يعز اللي على الشعب خاره= وعنهم عسا تعما عيون الحسودي
وهالحين انا مابين تاره وتاره=على شطر بيتك هذا ياوجودي
(الجيب والحرمه وزود العماره=حلم(ن)من احلام الشباب السعودي)