يالـيـل مـا أذكـر فــي حيـاتـي تمـنـيـت

يالـيـل مـا أذكـر فــي حيـاتـي تمـنـيـت=مثـل ابتسامـه تنتشـل قـلـب منـصـاب
ملـيـت ورب الـبـيـت يالـلـيـل مـلـيـت=من الجروح اللـى تجينـي بـلا اسبـاب
تدري ياليل انـي علـى الجـرح غنيـت=غنيت دمعـه والصـدى ضـم الأهـداب
تـبـي الحقيـقـه والصـراحـه ترجـيـت=فـرحـه ولـكـن الـزمـن بالعـطـا خــاب
يالـيـل قـلـي بدنيـتـي ويــش سـويـت=حتـى الهمـوم بداخلـي تفـتـح أبــواب
إن كان طيبي عيب ومشكلتـي اوفيـت=أموت صادق وارفـض أعيـش كـذاب
طبـعـي كــذا عــن ميـزتـي ماتخلـيـت=عندي مبـادي دونهـا ترخـص أرقـاب
بـيـنـي وبـيـنــك يـاكـثــرماتـعـنـيـت=اركــض بغـرفـه مغلـقـه مالـهـا بــاب
غرفـه وراهـا فرحـتـي دونـهـا جـيـت=أركانـهـا عتـمـه ولا حـولـي أحـبــاب
كـاس الـفـراق الـمـر مـنـه تقهـويـت=أنـا اشهـد إن الشـوق يالـيـل غــلاب
يالـيـل أنــا لاشـفـت ماعـفـت قـفـيـت=اقفـي ولـو خلفـي كثيريـن الأصحـاب
الا جـروحـي كــلمـا رحــت واقـفـيـت=جتنـي تحـمـل صـدتـي لــوم وعـتـاب
مـاذكـر ولــو مــره بحيـاتـي تهنـيـت=اضحك كذا والصدق عن شفتي غـاب
صارت دموعي ضيف وعيوني البيت=ودايـم تشـوف مـن المناديـل ترحـاب
لاشفت شمـس الصبـح ليديـك حنيـت=فـي داخلـك حبـر القلـم بالشـقـى ذاب
افرح بجيتك وإذا رحــت ونـيـت=مابـي تـروح ودمعتـي بيـن الأهــداب
يـالـيـل قـــل لـصـبـح إنـــي تمـنـيـت=بـس ابتسامـه تنتشـل قلـب منـصـاب

منقوله

القصيدة مكرره على هذا الرابط.مع الشكر لك اخوي عز الخوي
http://www.almizany.com/showthread.p...CD%E4%ED%DC%CA
وترحل للمكررات