سوار الذهب + فهد العازمي

السلام عليكم ورحمة الله وبركاته



بدون مقدمات




فهد :

انا برمى الهدف مابغى الرصاص امن السلاح ايطوش"="ولا شرهه على البندق وشرهتها على الرامي


يا عبدالله يابن غازي تراك العاقل المربوش"="تبا تدفن بحر جده ولو ان البحر طامي





عبدالله :

يا رماي الهدف مع نفضة الشوشه وراك تشوش"="ترى منت الدويش ولآ مثل صاهود ابن لامي

من اللي يسكن القبه ؟ من اللي يسكن الخربوش ؟ "="دخيلك لاترش الماء عليّ يبرّد اعظامي





فهد :

قلوب الناس مافيها غشش ياقلب يامغشوش"="اظنك فوق كبدك مونسن لك مخطرن حامي

خلصنا منك ياصدام دجله جيتنا يابوش"="تبا تدخل يهود امريكيا في دين الاسلامي





عبدالله :


الا يامن تركت الباب وشعلمك طمرت الحوش"="اظنك ناسين اني كنت اشوتك شوت قدامي

عتيبه كلهم تلفاز اشعة كيمره ودشوش"="يحسبون السنه هذي حليت عامنا العامي





فهد :


ليا حصلتني رزيت ساقك ماتحب الهوش"="وانا مطعمك طعم الملح والبارود بحزامي

ولا يا التركي اللي ماتنزّل كثلت الطربوش"=" انا ماني بشامي روح يام الشام ياشامي





عبدالله :


ليا وين؟ ومتى؟ ياخشم ياللي ماتدان النوش"="معاد الا تنسيّني صلاه وحج وصيامي

يجون اطروش ولا ياعسهم مايجون اطروش"="ابا اضوّيك عرّامي وابا اسرحك عرّامي





فهد :


اضنك مع عيال الكاهنه تستخدم الدنبوش"="تحاول لو تعرف شي من تفسير الاحلامي

اخي سالم

اشكرك جزيل الشكر على تدوين هذه المحاورة الرائعة .


لكن هل من الحفلة الأخيرة في قصر المنصة ؟ أو متى تاريخها بالضبط ؟

هلا يا سالم


لالا قديمه قبل كم سنه


وتابع المحاوره الثانيه من حفله ثانيه ايضن