وراك تمدح حاملين المسك ثم تسبها ,, الشاعرين سوار الذهب وزيد العضيله

هذه المحاوره قبل سنوات

زيد

يامرحبا ترحيبة الولهان بوجيه الغياب = اللي ليا جوه الغياب امن السفر رحب بها
العام عبدالله يفل كتاب ويسكر كتاب = واليوم يامر في عذاب الناس كنه ربها

سوار الذهب

دام البقا بالشاعر اللي مثل ابن غانم ذياب = تلعب به الدنيا على وجهين مايلعب بها
قال المثل لن كنت مانته ذيب تاكلك الذياب = لكن دور للجروح عصابةٍ تعصب بها

زيد

ياعارفٍ فصل الخطاب أحرص على فصل الخطاب = ودلوٍ ماتاصل لك مجم البير لاتشرب بها
اللي تحيزم بالمهند يابن عمي مايهاب = واللي يبا نقل العصا ماهي بله يضرب بها

سوار الذهب

يازيد صناع الأشده ماعرف وسم الركاب = الله لايامر عليك بنكبةٍ تنكب بها
اليوم يوم انك ولد والعام يوم انك شباب = بعض الهجر ماينعرف جربوعها من ضبها

زيد

صحيح صناع الأشده غير فصال الثياب = واللي محمل له ذخيره فالخلا يقلب بها
العام اعصب الراس وندوس المعارك مانهاب = واليوم أصدق كذبة الكذاب لو يكذب بها

سوار الذهب

مابغاك تسأل لك سوالٍ ماتحصل له جواب = وراك تمدح حاملين المسك ثم تسبها

محاوره جميله ورائعه بين شعار كبار وصراحه طيبه بالحيل


يعطيك الف عافيه حماد العبيوي ماقصرت على منقولك المميز

الف شكر ياحمّاد على اتحافنا بهذه المحاورة الرائعة بين شاعرين لهم مكانتهم وتقديرهم المحفوظ مع كل مطيري , وزيد وسوار الذهب من أكثر الشعراء تقارباً وعلاقة شخصية متينة و كعادة أبو ممدوح لأنه شخص خفيف نفس وإجتماعي من الدرجة الأولى وفيه حمية لربعه .


صحت السنتهم جميعاً .

يعطيك العافيه محاوره خفيفة ظل فيها من التلاحم الشي الكثير

يعطيك الف عافيه

تقديري لك

محاوره جميله بين شعراء كبار وسوار الذهب مميز دائماً

الله يعطيك العافيه على النقل

محاوره رااائعه بين شاعرين كبيرين لهم ثقلهم الشعري في الساحه الشعريه, يعطيك العافيه اخي حماد على النقل الجميل .

محاوره قمه ورائعه من شاعرين رائعيين