قصيد غزليه بقلم عواض بن غازي بن موسم

النوم قفى عن عيوني له ايام=وحّل السهر في ناظري واستبده
والقلب من هم المحبين منظام= جاوز حدود الصبر ونباح سده
ياوجد حالي وجد من طاح ماقام=مشلول مايقدر على رفع يده
لاهو بحي يقوم وتقلّه اعظام=ولا هو بميت يندفن في مرده
من عقب ماهو فالمواقيف ضرغام =امسى على ظهره طريح المخده
ومن سو حاله ملّه اصحاب واعمام =ومن ربعه الادنين شاف المصده
على غزالن صوّب القلب بسهام=سهمن يفجّ القلب من قو حده
غرو(ن)جماله محكمه ربي احكام=كن الحلا والزين مخلوق قده
عينه ليا سلهم بها تكسر اقوام=وسهم المنايا بين فمه وخده
والعنق عنق الظبي والنهد قدام =تفاحتين(ن)تسحر اهل الموده
والشعر لافله على حد الاقدام=من ملمسه ما يتعب اللي يكده
اليا مشى يحرجه هبّات الانسام=شي(ن)يعّد وشي ممنوع عده
على العموم وكل ما يعني العام=مقبل ومقفي شوف عيني يشده
عقبه حياتي كلها هم واوهام =والحال وسواس المحبين هده
واجاذب الونات والناس نيّام=من لاهب(ن)بين الضلوع استمده
وراع الهوا لا صاح ماهوب ملاّم=لعل من لامه زمانه يحده
ويالله ياللي بالخفيات علاّم =ياسامع الدعوات ومجيب عبده
ترد خلي واحذف الهم وانام =أو حالي اللي قبل اشوفه ترده

أبو طلال ما شاء الله ..ما شاء الله ...شاعر جزل ولا تأتي إلا بالجزاله , صح لسانك يا أبو طلال واعتلى شأنك , ويعجبني الشاعر عندما يعتني بقصيدته حتى تفرض نفسها على المتلقين وبقوة

أنت شاعر جزل وشاعريتك لا يختلف عليها أثنان , وقد تاخر خروجك عبر منتديات الموازين الرسمية وهذا يعتبر خسارة كبيرة لنا , ولكن نحن نرجو العوض في الأيام القادمة بقصائد جزلة مثل هذه وسابقاتها..

الـيـا مـشـى يحـرجـه هـبّـات الانـســام=شـي(ن)يـعّــد وشــــي مـمـنــوع عــــده
عـلـى العـمـوم وكــل مــا يعـنـي الـعـام=مقـبـل ومقـفـي شــوف عيـنـي يـشــده

الله..الله

شي(ن) يعد وشي ممنوع عده

صح لسانك يا أبوطلال وتقبل مروري وسروري بهذه الشامخه

ابو طلا ل صح السا نك علي هلغزليه الجزله سجل العجا بي ولك مني الجمل تحيه

صورة الشاعر للتعريف به


عواض غازي الميزاني
(والله ونعم الشارب يا أبو طلال)

اخي ابن مصاول .أنت تستحق كل الاحترام والتقدير والإجلال كيف لا وأنت من صنعت هذا الصرح الشامخ ورفعت من شأن قبيلتك وأنت من اخذ بيد الجميع إلى ماهو خير وشهادتك تاج(ن) على رأسي ووسام(ن) على صدري وسيف (ن)بيدي أسأل الله أن يسدد خطاك وأن يكفيك شر وكيد الحاسدين.ودمتم

الشاعر القدير ابو نافع مليون تحيه ومنك نستفيد

الف شكر لسموك
وصح لسانك يالذيب
لاهنت
احلى التحايا
مزعل الاسلمي

اشهد شهاده حق مستمتع ومن شعرك رويت=وتوي لقيت ابيات حسيت بحلاوة ذوقها

لله درك وسجل اعجابي بقوووووووووووووه

تحيتي

صح لسانك أخوي أبو طلال

وأخيراً شفنا ابو طلال حي والله هالراس

صح لسانك يا أبو طلال وبيض الله وجهك ولاتحرمنا من جديدك