الكثره تغلب الشجاعه وانا اعطيك الدليل

الشعر في شرعي فكر .. وانا اعشق الفكر الاصيل


نهـج العقـول الناضجـه والعاقليـن ادرابـهـا


مو شرط من يكتب شعر يدري عن بحور الخليـل


اللـي يـداوي علـتـك لا تبلـشـه باسبابـهـا


احدً على الحنده حدا واحدً علـى الشلـه يشيـل


كـلً علـى مـا يكـرب بيوتـه يمـس اطنابهـا


على سبيل اهل المثل مانـي مثـل اهـل السبيـل


اللي معانـي حضورهـا تشبـه معانـي غيابهـا


لغبت جبت وعادتـي لاغبـت ماارجـع بالهزيـل


ان جبت اجيب اللي محد بالشعـر قبلـي جابهـا


تعشقني الفكره ..بكر..واسبق لها الوزن الثقيـل


اللـي بنـات افكارهـم مبطـي رميـت حجابهـا


اهيم في وادي الدهـا واروي حديـث السلسبيـل


يومن غيـري جامـعً كتـب الشعـر يقـرا بهـا


مـا بالقرايـه رايـةً بيضـا ولا منهـا ذبـيـل


لروجـت خيـل الطـرب تبكـي علـى هذابهـا


بعض المعاني وقعها اشطر من السيـف الصقيـل


يوم السيوف مـن الهلـع تثقـل علـى قضابهـا


ناسً على الشعر دخلت والشعر بي منهـم دخيـل


يقول انا بوجهـك عـن الهزلـه وعـن كتابهـا


ومدام صارت تشكي العلـه مـن اسبـاب العليـل


قـل للجماعـه ترمـي ثيـابً مهـي بثيابـهـا


ماهي بلحية طشطشه سيلً مـن العـارض يسيـل


اسقـى جمـال المملكـه وسهولهـا وهضابـهـا


فان قيل ابو ظبي ابرقت وعيون اهاليهـا تخيـل


قولو لهـا عينـي لهـا مبطـي تـرف اهدابهـا


مساكم الله بـالادب والـذوق والشعـر الجزيـل


من شاعرً صـدره يسـع مكـه ومـن يسعابهـا


شاعر شمالي وقفته عـن لابتـه تشفـي الغليـل


يدرى زعلها ويحمـى عنهـا ويخشـى عتابهـا


في ميلة عقالـه ثقـه وبفطرتـه صبـرً جميـل


يحسب مسافـة صيدتـه واليـا رماهـا صابهـا


انا البديل لعمـر ابـن كلثـوم لـو مالـه بديـل


لقامت فحـول الشعـر تفخـر بطيـب انسابهـا


لا المستحيل يردنـي ولا ابـن عـم المستحيـل


ياماكسـرت القاعـده واخلفـت وجـه اعرابهـا


صدري اليا عليت علا واليا استطالـت يستطيـل


امـا استوتلـي كلهـا والا بـلاش اشقـا بـهـا


عندي ناعـه ضلهـا وافـر ولـي فيهـا مقيـل


ما امشي ورا قالو قبـل واعيـش فـي جلبابهـا


مامن ورا زرع المثل في وقتنا الحاظـر حصيـل


من طبق امثال العـرب هـذا الزمـن يبـلا بهـا


من ذل لـو قالـو سلـم يبقـى بنظرتهـم ذليـل


ما تستوي القمـه تحـت رجليـن منهـو هابهـا


ايه الشجاعه تغلب الكثره وانـا اعطيـك الدليـل


الذيـب يـدرع بالغنـم ولا يحسـب حسابـهـا


جيت بشموخ الوايلي ما جيت من تحـت الشليـل


ولا ردنـي عـن ساحـة الشعـار كبـر القابهـا


لو كل من اسمه جميل من العـرب يطلـع جميـل


كان أكثر اسماء العرب تحمل صفـات اصحابهـا


ولاينعم بظل النخيل اللـي تحـت جـذع النحيـل


الشمـس تصقـع هامتـه حتـى يحيـن غيابهـا


ولا طولت عمر أدمي قولة عسى عمـرك طويـل


طـول العمـار وقصرهـا رب العبـاد ادرابـهـا


رح ردهـا عنـي وانـا بأكبـر عواقبهـا كفيـل


كانـطلعـت كذبـه فأنـا بيـن العـرب كذابهـا


ان الشجاعه تغلـب الكثـره وهـذا اكبـر دليـل


الذيـب يـدرع بالغنـم ولا يحسـب حسابـهـا


من أميلي

صح لسان الشاعر خلف مشعان وتسلم الاخ عادل الجبيري على النقل الموفق قصيده رائعة وجميلة وفيها تحدي لكبار الشعراء

صح لسان شاعرها
يعطيك العافية اخوي

صحى لسان كاتبها

ولك جزيل الشكر أخ عادل على النقل المميز

تقبل مروري

اخوك : ابو سلطان

لغبت جبت وعادتـي لاغبـت ماارجـع بالهزيـل


ان جبت اجيب اللي محد بالشعـر قبلـي جابهـا
صح لسان الشاعر الكبير خلف المشعان ولاهنت اخوي على النقل المميز تقبل مروري

ولكن رد عليه ابن فطيس ردى قوى بقوله:
الذيب كانه ذيب يدرع بالذياب = يخلي الخرفان للضبع العويق
صح لسان الشاعر وسلمت يدي الناقل

المشاركة الأصلية كتبت بواسطة عادل الجبيري

ايه الشجاعه تغلب الكثره وانـا اعطيـك الدليـل

الذيـب يـدرع بالغنـم ولا يحسـب حسابـهـا

صح لسان الشاعر الكبير والجزل خلف المشعان العنزي وقصيدة كلها حكم × حكم وهذا الشاعر المفروض يكون هو شاعر المليون في تلك السنة بدون منازع ..

لجزالة شعره,ثقته القوية في نفسه,حضوره المميز


لا هنت اخوي عادل على النقل الموفق

صح لسان خلف المشعان والف شكر على النقل المميز أخوي عادل الجبيري

صح لســـــان الشاعر على القصيدة الجزلة والرائعة ..

وتسلم يمينك أخوي عادل على طرحها ..


ألف شكر لك ..

صح لسان شاعرها ولاهنت اخوي

والله يعطيك العافيه