(دقات قلبي)

بسم الله الرحمن الرحيم
آهدي لكم هذه القصيده والتي آتمنى أن تحوز على رضاكم وترتقي على ذائقتكم

العشق متواجد بقلبي وموجود=واليوم آسرني ثم أنا صرت أسيره
وعندي على ذلك براهين وشهود=جسمي نحل ياجعل فالآمر خيره
ودقات قلبي تشبه لدقة العود=بإسمه تنادي ودها تستجيره
وشريان قلبي يمها صار ممدود=يضخ عشق(ن)للوجيه السفيره
بأسباب شخص(ن)قادني بالهوى قود=يقودني قود العلم فالمسيره
بعيونه اللي كنها نار بارود=تقتل حشا روحي وحالي خطيره
والخشم كنه سلة السيف ممدود=ماشفت زين(ن)مثل زينه بغيره
ويالله تجبر خاطري بيوم موعود=وتصير في بيتي وليه عشيره

الشاعر/فائزبن الشيب

صح لسانك اخوي فايز

ولي الشرف اكون اول من يرد على هالقصيده الجزله

يعطيك الف عافيه وبنتظار كل جديد منك

آخوي مواعيدك سراب الشرف لي أناانك تكون اول واحد يرد على هذا الموضوع وشـكــ وبارك الله فيك ـــرا لك ... وصح بدنك لك مني أجمل تحية .

الله الله
صح لسانك يا بن الشيب على هالقصيدة الجزلة ...
والله يجبر خاطرك ويكتب لك اللي تمناه ..

صح لسانك أخوي فائزبن الشيب

صحة ابدنكم جميعاً،،،،،، وبيض الله وجيهكم،،،، والله لايهينكم ،،،، وووووودمتم في حفظ الله ورعااااايته،،،،،،،