لاللإرهاب

آهل الارهاب جند(ن)قصدهم شر ونذاله=شلة الارهاب شله عن هل الخير معزوله
يدعون بدين لادين(ن)صحيح ولارجاله=خرّب الإرهابي الآول وربعه صفقوا له
والرياض مروض(ن)ترويض روضه من جماله=عاصمة دوله وهو دولة ملوك وراس دوله
دولة(ن)فيها التواصل والمواصل والآصاله=أسست بإسم السعود اللي لهم صوله وجوله
قادها عبدالعزيزاللي لعل الخلد فاله=بالسلاح وبالكفاح وبالشريعه والرجوله
صيرمين بالأمن بدلّها عصر الجهاله=فوق زلبات الركاب اللي تباريها خيوله
الإمام اللي حكم بالشرع والحكم إستواله=ناس جوّ له طايعين وناس بالسيف إخضعوله
إخضعوله غصب ماهو بالمكافل والكفاله=وإحتمى كل الوطن عقب الفتن عرضه وطوله
ورفرفت راياته اللي فوقها رمز الشكاله=لاإله الإالله مع السيف رمز(ن)للبطوله
ومات لكن مايموت الحكم في حضرت عياله=الله إنه يرحمه ويحط فالجنه نزوله
حرّ خلّف له حرار(ن)نادره ماهو لحاله=وأحكموا مثله بقول الله وماقاله رسوله
وخادم البيتين جعل الله يظله في ظلاله=والله إنه يحفظه قلته وغيري من يقوله

الشاعر/فائزبن الشيب

الأخ الشاعر فائز الشيب صح لسانك واعتلى شأنك ولا للإرهاب ...ودولة لا نحميها لا نستحق العيش فيها فكلنا جنود للوطن وللمليك وفداءٌ لأرضها الطاهره

صح لسانك أخوي فائزبن الشيب

صح لسانك يفايز

وبيض الله وجهك على هالابيات .. وانا اتفق مع كلام اخوي ابن مصاول كلنا جنود للوطن

ويعطيك الف عافيه

ابن مصاول
ملكة القوافي
مواعيدك سراب
صحة أبدانكم
والله يعطيكم العافيه

صح لسانك أخوي فايز
ولاهنت على القصيده الجزله .. والولاء
دمت وفياً يابن شامان
.

أخوووووي/ ابن الشاعر صح لسانك ولاهنت حتى انت والوطن يستاهل أكثر شـكــ وبارك الله فيك ـــرا لك ... لك مني أجمل تحية .