ذيب سمحه اقرب جاي

اثرك ياذيب سمحه ضاوين من عصر = اتدور الليله اللي غايبن نورها
مادام باشة مصر متربعن في مصر = بتبات جيعان وانته من ورى سورها

كفو يابوهاجوس الليل ياذيب سحمه

كفوك الطيب ياساكب الحرف وانت دايم سباق

للعم الغانم والحضور والمتابعه فلك مني

الشكر والتقدير ولاحترام

صح لسان يابوهاجوس وتسلم على هذه البدايه وننتظر الذيب عساه قريب

صح بدنك عايض الحريص ولاهنت على الحضور

وحضورك يهمنا تحياتي وتقديري

ياصحابنا دام أبو هاجوس عنده بصر=بعض الأوادم يزين القاف بحضورها
مير البلا كان راع العلم عنها قصر=ما اسامحه وأحذفه في غبه بحورها

ياذيب عينك مطاولها العنا والسهر = وانته تدور مع العربان ميسورها
لكن حسني مبارك صار علة نحر = هيمن على مصر واخلف نص دستورها

أنا خويك ليا منك نويت السفر=عسى الله يجيب مستوره لمستورها
ماهي جديده لها سنتين وأضرب شهر=وأضيف خمسين من دارت بمديورها

كانك خوييي نبى نسبح بغبت بحر = خلك يميني وانا سواق بابورها
دنياك ياذيب ماتخلوو وفيها عبر = جيعانه اصقورها شبعانه انصورها

اللي على جرتي يمشي يقص الأثر=الذود درهم وقدم الذود مقهورها
ان ماوصلك الخبر بعطيك علم وخبر=أخبط غصون الشجر ويطير عصفورها