السلام عليكم ورحمة الله وبركاته
مساكم الله بالخير والرضى والعافية
إنقطعت لظروف لي فترة واليوم أعود لكم بنص متواضع أتمنى يرتقي لذووقكم
وش قلت في جرح الليالي والايام=يا عاشقٍ فرّش جروحي لحافه
زرعتني وردٍ حصد عمره اوهام=وذوْقْتني قَسْوةْ قِدَرْكْ إبسخافه
لحظه وأبحسبها معك حِسْبتْ ارقام=من باب توضيح الامور إبشفافه
كم مرةٍ جيتك على الوصل مقدام=وكم مرةٍ صديت خُبْثْ وجلافه
وكم مرةٍ مريت في نومي احلام=وكم حلم ما مَرْك هدوء ولطافه
وكم مرةٍ فيني تسمْع للاقزام=وكم مرةٍ قلبك يزيد التفافه
مسافه أقْربْ لك من الهند لَشام=وعنْي تِبَعدْ ضعفْ تلك المسافه
لو كنت دوله وانت من يصدر احكام=شعبك يريد اسقاط منك الخلافه
شعبك عروقي وانت يا سيف الاسلام=نهرك عظيم ومَرْ صدري جفافه
إرحل ترى غَيْرْةْ حكمك والاعْلام=وأمرة من عقب الرحيل إبنظافه
إرحل .. وإذا رَدْةْ على الطرس واقلام=ليت العروق أوفَتْ مَعَاكْ الضيافه
عُذرآ تسيس حبنا بعد ما قام=على مصالح وإنكسار وضعافه