سلام يا بنتٍ عن 2000 رجـال .!

السلام عليكم

قصيدتي الثالثة أسمحوا لي أسدحها بين أيديكم ^ـــــــــــ^


اقرووووا القصيدة وبعدها المناسبة

سلام يا بنتٍ عن 2000 رجــال = تسلميتن مثل الرعد في سماها

تسلميتن ترجف كما رجف زلزال = حتى بعيد الدار يسمع صداها

يا بنت شيخٍ طيب الذكر والفال = شيخٍ مواصيله بعيدن مداها

صقر المسمى صقر يضرب بالأمثال = أنا أشهد أن الصقر فيه يتباها

وأنتم على نهجه على خير منوال = في مدحكم صفّت حروفي سراها

أقولها وأنا لي أيام وليال = مبطي عن أحباب ذبحني غلاها

تكفون أنا طالبكم العذر فالحال = حارت بي الدنيا و دارت رحاها

قامت تصافق بي من الجال للجال = دنيا العنا عنّت ضميري وراها

أنتم خوالي بهجة القلب والبال = وأنتم مناة النفس وأنتم غناها

حتى ولو من بيننا حال ما حال = تبقى علاقتنا على مستواها

قبل ردح من الزمن ^ـــــــ^

غبت فترة عن الديرة وكانت طويلة نوعا ما بما فيها خوالي اللي ما تعودت أقطعهم مثل هكذا زمن غياب لظروف أجبرتني وأولها طبعا الدراسة

والمشكلة ما كنت أتواصل معهم بالجوال أيضا

كان أكثر ما يهمني جدتي (أم أمي ) أعزها وأجلها و كان لي مكانة عندها أيضا

ويوم من الأيام قالت لي الوالدة جدتك كلمتني وتشرّه عليك .!

إلا والله يوم أنها كنها صفقتني على وجهي لأني فعلا كنت مخطيء

وما أن جات الاجازة اخذت عهد على نفسي ما اروح إلا أرسل القصيدة مع أخوي ويقراها عليهم

وهذا ما حدث والحمد لله تم الرضى من الطرف المعني بالأمر ^ــــــــــ^

وقالت لي ( 2000 ) هذي لحالها بيت يكفي أقبل عذرك

قد تكون مبالغة لكن اللي يعرفها زين لا يستخسر هالمبالغة فيها
عسى الله يبارك فيها ويطول عمرها على خير




نايف أبا الصفا

يعطيك الف عافيه اخوي المعنى على نقلك~

الله يعافيك أختي الوتين

هذي مو منقووولة ^ـــــــ^

صح السانك ملاييين
وكفو يالغالي

صح بدنك يا راااااااااشد


كفوك الطيب



شاكر مرووووووووورك ,.,

صح لسانك اخوي المعنى ونتظر منك القصيده القادمه ام 3000

ههههههههههههه مشكور مقصرت

صح لسانك اخوي المعنى ولاهنت ..

يشهد الله إن جدتك دخلت قلبي وأنا ما عرفتها إلا من هالأبيات .. عسى الله يحفظها ويطول بعمرها على طاعته ويديم المحبة بينكم ..




كل الشكر لك .. الله يعطيك العافية ..

صح لسانك اخوي نايف على القصيده الرائعه ... دمت بخير

المشاركة الأصلية كتبت بواسطة عنود الصيد

صح لسانك اخوي المعنى ونتظر منك القصيده القادمه ام 3000

ههههههههههههه مشكور مقصرت

صح بدنك يا عنود الصيد

هههههههه المرة الجاية 1000000 ^ــــــ^


حياك الله

المشاركة الأصلية كتبت بواسطة نزف المشاعر

صح لسانك اخوي المعنى ولاهنت ..

يشهد الله إن جدتك دخلت قلبي وأنا ما عرفتها إلا من هالأبيات .. عسى الله يحفظها ويطول بعمرها على طاعته ويديم المحبة بينكم ..




كل الشكر لك .. الله يعطيك العافية ..

صح بدنك يا نزف

الله يعافيك مشكورة على مشاعرك

صدقيني يا نزف لو تقابلينها تحبينها أكثر


آميييييين


حياك الله