×/ ياخروفي يومك تظهر السن بنشدك : ليش انت فرحان ؟!!/×

بسم الله الرحمن الرحيم السلام عليكم ورحمة الله وبركاته وأسعد الله جميع اوقاتكم بالخير بالخير والمسرات .. " اللهم لك الحمد كما ينبغي لجلال وجهك وعظيم سلطانك " وشلونكم ؟ ووش لون العيد معكم .. إن شاء الله عيدتوا واستانستوا ؟ & & الحمد لله عيد الأضحى هذا العام كان مختلف بالنسبة لي عشته بكل فرح وسرور لم أشهدها منذ 4 أعوام . حيث الأعوام الماضية طرأت لنا منغصات من وفاةاو اصابة بمرض لم نشعر معها بطعم العيد .. " مابي أقلب المواجع " نرجع لموضوعنا ..طبعا مانسيتكم لازم تشاركوني فرحة هذا العيد .. ف التقطت لكم بعض القطات بعدستي المتواضعة . ياخروفي يومك تظهر السن بنشدك : ليش انت فرحان ؟!! ليه فرحان ؟!! و أنت بالنار قاضي آخر مراحل سنينك ؟!! شوفوا الراس الثاني كيف عاض على اسنانه من القهر .. لأنه كان حامل وذبحناه وجنينه في بطنه " تحسفنا عليه صراحة ماكنا ندري إنه حامل ولا كان ذبحنا غيره " عندي وحده الله يذكرها بالخير أول مره تحرق حيوانات .. عفوا قصدي تحرمس روس وفراسن خلت الفراسن على النار لين احترقت مابقى إلا العظم والحافر ههههههههه نسيت أصورهن بشكلهن النهائي .. والراس شوفوا شكله كيف ماله أذاني ولحمة خده مستويه من كثر ماتشلوط على النار ههههههههههه . & & وهذولي خرفاننا العزيزة بعد ماقمت بطبخهن على العشاء بمساعدة الوالدة ربي يخليها لي" مرتين بغيت أطيح في القدر " ههههههههههههه . الصورة هذي بعد الهجوم لأني ماقدرت أصورهن قبل يقلطون الرجال . " سبحان الله من الغرائب ذاك اليوم مافيه ولا مخبز ولا بقالة عنده قرصان كنا بنحطها على المفطحات " يقولون فيه وحده اسمها لولو مدري ريم الموازين آخذتهن ماخلت ولا حته " الله يسامحك ورى ماخليتي لنا شوي نستر به مفطحاتنا ههههههههههههههههههههههههههه & & نعود بكم للوراء قليلا في مغرب يوم التروية داهمتنا عاصفة رملية صورة جوية للعاصفة من هيلوكبتري الخاص . & & ونعود بالذاكرة قليلا للوراء تتذكرون هذا بعد صلاة الفجر يوم العيد كان نايم بالحوش ههههههههه ياعمري مايدري إنها آخر نومه بحياته ..وبعد مارجع الوالد والوالدة من صلاة العيد قالوا لنا القطو يطلبكم الحل حصلوه مصدوم بالشارع .. الله يرحمه ضاقت صدورنا عليه كان ودنا يعيد معنا صراحة نحس إنا افتدقنا احد أفراد العائلة .. وختاما أتمنى أنكم انبسطتوا وأ عجبكم الموضوع . نزف المشاااااعر

نزوف احب فيك عفويتك في طرحك للمواضيع الشخصيه

لكن وش ذا الرعب ماامداني افتح الموضوع الاطلعولي هذول ههههههههه

وعظم الله اجرك في البسه ياحرام كسرت خاطري والله

احب البسس بصراحه لكن الحين محرومه من تربيتها

ودام عندك هليكوبتر ورا ماتسيرين علينا بالشرقيه هههههههه

يعطيك العافيه ياقلبي

يالله صباح خير

وش هذااا يانزوووووووووووف اول مافتحت الصفحه الا طالع بوجهي وخفت اما اللي فتح فمة شيء مشاءالله

وش ذا الاجرام ذابحين المسكينه وهي حااامل

الله يرحم القطوووة معيدت الضعيفة هههههه

وين العزيمة ولا قلتي حيااكم

على العموم الرووس متساعد الواحد ياااكل الله يديم النعمة

اقول ولا لحمة وزعتي ولا شيء

كان عطيتينااا فخذ يختي نصلحهااا في المنتدى هههههههههههه نشوي او نحطهااا مندى

تسلمين عالصور المخيفه امااا اللي فاتح فمه مراااح اكمل نومتي منه

مشكورة حبيبتي وعساااه محل عااامر بوجودك

تحياتي لك بنيتك الحبوبه

ياحظكم بلعيد

مو مثل بعض الناس يسمع ان فيه عيد

يالله ان شاء الله الاعياد قدام اهم شي العافيه.

بصراحه مووضووع اخر حلااااوه. < مدمن ذبح وشوي.



كل الشكر لكي نزف على الطرح الراائع.

المشاركة الأصلية كتبت بواسطة بنت الغلباء

نزوف احب فيك عفويتك في طرحك للمواضيع الشخصيه

لكن وش ذا الرعب ماامداني افتح الموضوع الاطلعولي هذول ههههههههه

وعظم الله اجرك في البسه ياحرام كسرت خاطري والله

احب البسس بصراحه لكن الحين محرومه من تربيتها

ودام عندك هليكوبتر ورا ماتسيرين علينا بالشرقيه هههههههه

يعطيك العافيه ياقلبي

تسلمين بنوته .. ربي يعافيك


بالعكس مو رعب إلا مثير للضحك ، شوفي كيف ابتسامته هههههههههههههههه


أجرنا وأجرك ياختي والله للحين نتذكره ودنا يرجع اشتقنا له ..



شاكرة لك مرورك وتشريفك ياحيي .

والله يانزوووف انك مشلوطه الراس شلوطه
ماهي هينه ياكيف صالخته صلخ هههههه
تعالي بسوي لك كورسات شلوطة روس وفراسن ههههههههههه
<< خبره ذبايح وشلوطة روس :)
انتم اغبار اجل حنا ليلة عرفه امطار<< راضي الله عليهم ههههه
اما بستك الله يرحمها شكلها يوم طلعت متنكره على شكل خروف
وضحو بها ههههههههههههههههه
اقول نزووف انا ماشري قرصان من برا انا اسوي قريصاتي
بدياتي فديتني هههههههههههههههههههه
عمومآ موضوع روووعه وذكرتيني بكرف يوم العيد
جعله منزل عامر وثاني مره اعزميني ترا ياختي اجي بعدين
ترا طيحت القدر ماجت كذا هذا عشان ماعزمتيني ههههههههه
تستاهلين التقييم << شوفيني كريمه عزميني عاد المره الثانيه يابعدي :)

موضوع مميز كتميز صاحبته وتألقها الدائم ...وهنا نحن أعضاء منتديات الموازين نثبت للكل بأننا نخبه

وسوف أعود للموضوع لا حقاً ولكن لي تعليقات بسيطه:

1-هولوكوست رهيب لو دروا عنك حقوق الحيوان يا ويلك!!!.

2-ملاحظه:أن خرفانكم يحملون !!!! وشلون؟؟؟ ههههههه لحظه أبي ادور هالمعلومه بقووقل

3-الطياره للبيع ؟؟

وتستاهلين التقييم بخمس نجوووم للهولوكوست الرهيب

أهداء للخروف
ايه أبتسم دامك عن الكون راحل=مرتاح من هم الحياة وتعبها
ههههههههههههههههههه

أهداء لنزف المشاعر
يانزف لا تحرقين الراس=راس الذبيحه مكانه غير
الراس مقدار قوم وناس=ماحط للرعب والتصوير

ههههههههههههههههههههههههه

الله عليك يا نزف يا زين عيدكم
والله عيدنا كان وناسه وذبايح وشئ
بس للآسف جوالي انتقل لرحمة الله قبل العيد هههههه
وما شريت للحين ولا كان سسبقتك
والله يعطيك العافيه على التصوير والموضوع الرائع

مشاء الله عليك نزوف والله شغل متعوب عليه
وشكل الروس مضحك على الأبتسامه الحزينه
ذكرتيني بعيد هالسنه كان لم يكن سعيداً بالنسبة
لي وكرفت فيه كررررررف مع ثلاث ذبايح
وجتني الروس في كرتون تقولي من العايدين
ههههههه وخضت معركه مع تقطيع الكبده
الي كان ينتظرها حشد من الرجال ((والشغاله مسافره))
أما سالفة القرصان من العجز خلاص طفيت حطيت
على كل صينيه وحده ههههههههههه
كان عيد ملئ بالمغامرات !!!والجهد والتعب!!
يسلمو يانزوف ذكرتينا بذيك الأيام تسلمين ..
على الطرح المميز للموضوع كاعادتك..

روووووووووووووووعه الله يعطيك الف الف عافية