مرثيتي في والدي رحمة الله

مرثيتي في والدي سعود بن نور الشاطري الذي توفي بتاريخ 5/9/1432 هـ رحمه الله
بسم الله الرحمن الرحيم

1-منسـاك انا يـابـوي والله منـسـاك= لوكثرت اشغالي وطالت سنيني
2-كلما تذكرتك وجاء القلب طرياك= احزن عليك ودمعتي ملي عيني
3-يوم أتخيل جلستك جنب مركــاك =ونته تنادينا للذبح الســـــــــميني
4-راعـي كـرم والعـز دايـم بيمنـاك= لـك مجلسا عنـد النشـامى يبينـي
5-يابوي رحـت ولابقي غيرذكـراك= ذكراك ماراحت في لحضه تجيني
6-جعل الولي يابوي في القبر يرعاك= ويوم الحشرتدعى مع أهل اليمني
7-الله يعـوضنا الصبرعـقـب فرقـاك =كثرت همومي جعل ربي يعيني
8-واللي معي من شعرأبكتبه فبـواك= تـكـفـين يافـكارالشـعـرساعديـني
9-هذاك ابوسلطان راعي الوفاء ذاك= يعطي الرجال احقوقها كل حيني
10-سلطان مجلس لاهرج يربك ارباك= من خاصمه يرجع لبيته حزينـي
11-اقـولـهـا صـادـق ولانـي بنـمــاك= حلال صـعبـات الامور وذهينـي
12-وختامها يارب حقق لنا ارضاك= وغفرذنوب اللي في قبره سجيني

شعر
موسى سعود

الله يرحمه ويسكنه فسيح جناته ويرحم اموات المسلمين

وصح لسانك اخوي على المرثيه الطيبه ولاهنت

الله يرحم والدك ويسكنه فسيح جنانه....
صح السانك اخوي ويعطيك الف عافيه...

شكرا لكم على تفاعلكم ولاكن لدي طلب بسيط اطلب من الاداره الموقره العمل على تنسيق القصيده لكي تكون افضل وضعيه مماهيا عليه الان فياليت مساعدتي

فين المشرفين او الاداريين نطلب منهم تنسيق القصيده

صح لسانك اخوي سعود وأصدق الشعر هو شعر الرثاء ورحم الله والدك وأسكنه فسيح جنانه

وتم التعديل

جزاكم الله خير

اشكرالجميع على دعواتكم لولدي بالرحمة واشكرك اخي ابن مصاول على قيامك بالمطلوب

السلام عليكم ورحمة الله وبركاته وبعد /
رحم الله أباك وأسكنه فسيح جناته أما بالنسبة لمرثيتك به فتأكد من وزن البيت الثامن إن لم تكن قد أخطأت في كتابته

عن طريق سؤال أهـل الاختصاص
ودمتم سالمين

صح لسانك اخوي ورحم الله والدك