فارس أمطير

بالله ما عينتلي فارس أمطير
اللي خذى قلبي بنظرة عيونه
عقبه دموعي فوق خدي شخاتير
مثل السحاب اليا انطلق من أمزونه
نظرة عيونه يرسلن البواتير
مثل البرد مادري القحاوي أسنونه
العقل متغير وجا فيه تغيير
والفكر يا مشكاي جنت جنونه
أرسلت يمه يا محمد مداوير
وعطيتهم بعض الخبر يوصلونه
قصة علاقتنا مثل سالم الزير
اللي خذا وسط المعارك ديونه
والعلم واضح ما يبيله تفاسير
واضح وبعض الناس ما يفهمونه
الشاعر : خالد القلعاء

صح لسانك وشاعر متمكن ياخالد ومشكور على الطرح الطيب ونطمع في المزيد

صح لسانك ياخالد القلعاء

صح لسانك يا خالد وننتظر المزيد يا أبو متعب فلا تنسانا...

صح لسانك الف ..


اخوك ابن مصاول

[QUOTE=فارس الموازين;50786]صح لسانك وشاعر متمكن ياخالد ومشكور على الطرح الطيب ونطمع في المزيد
مشكور اخوي فارس على مرورك الرائع

[QUOTE=أبن مصاول;50832]صح لسانك يا خالد وننتظر المزيد يا أبو متعب فلا تنسانا...

صح لسانك الف ..


اخوك ابن مصاول
والله ونعم فيك ومشكور على مرورك الرائع والجميل

[QUOTE=موال;50799][size=6][color=#999966]صح لسانك ياخالد القلعاء
صح بدنك ومشكور على مرورك الجميل