أكتب أسم شاعرك المفضل وأكتب البيت اللي أعجبك له الرجاء الدخول

بسم الله الرحمن الرحيم

أرجو من كل عضو يدخل للموضوع يكتب أسم شاعره المفضل ويكتب
أفضل بيت سمعه له من شعراء المحاوره فقط ونبغى نشوف الشاعر الأفضل للأبيات والجمهور أيضا وبدون عنصربه

الشاعر: راشد السحيمي

الأبيات كثيره ولكن البيت اللي دايم أردده له هو

أنا داري إن إيدي مغير ثنتين
لكني تقل شكيت مدري علامي

البيت يمكن أن تقوله في مواطن كثيره وهذا اللي يعجبني علاوة على قوة البيت> إيدي توجد شدة على الياء لقراءة البيت صح



ولا تبخلون بالردود

بالنسبة لشاعري المفضل / عبدالله بن عتقان السلمي

والابيات واجد وانا اخوك بس لا يحضرني الحين شي

ربما في المرات القادمة بإذن الله .... تحياتي ....

شكرا على مرورك أبو تركي بس مي معقوله ما تردد على ألسانك أي بيت له أنا ماقصدي أتعبك وتبحث عن الأبيات الحلوة يطولي بعمرك من الطارف وأنا أخوك

الشاهر المفضل ماغيره شاعر مطير تركي الفين الله يسلمة


كل قصايده تعجبني

النصب مايصعب على النصابة

انا والله ماحب المحاوره يابو نادر لاكن نبي منك طلب انه يكون البيت من الشعر عامه محاوره والا نبط وان كان مافيه مجال نبي منك موضوع ثاني عن النبط.. ولك كل التحيا

شكرا أخوي الرويس على مرورك الرائع
ولا تزعل يالمحيط بن الهادي أكتب الشاعر والبيت اللي يعجبك حتى من النبط
وأنا خصيت المحاورة لأن النضم فيه شعار كثير أردد أبياتهم ما أقدر أفضل أحدهم على الأخر وصعب أنك تقرن بين المحاوره والنظم
أفضل شعار النظم في نظري


حامد زيد
سلطان الهاجري
بدر الظاهري
خلف مشعان
أبن فطيس
ناصر الفراعنه
ابن مريبد
ناصر القحطاني
نايف بن عرويل
مانع بن شلحاط
محمد بن الذيب
والله ماأقدر أفضل أحد على الأخر

كثير من الشعراء خصوصا في مجال المحاورة من يعجبني..... ولكن اسوار الذهب هو الشاعر المفضل ؟؟؟؟

هلا يامرحبا ترحيب يسبح في بحر ويطير
يحل من الديار الي حبيب ماتحلاها
وايضا الشاعر حبيب العازمي مبدع ويعجبني ؟؟؟؟؟؟؟؟؟؟
انا الشاعر وانا الماهر وانا السباح وانا الغطاس
وانا الي لوتهروووول ياثبيتي ماتعداني
هذا البيت في بدايت الشاعر حبيب مع مطلق الثبيتي فقال الثبيتي بعد هذا البيت ابشرو ياعتيبه بشاعر؟؟؟؟؟
وشكرااااااااااااااااااا

الشاعر :جلال الميزاني

البيت اللي أعجبك له

بداية الموضوع قدام القصيد ومبتداه...باسم الأله ابديبها قبل ابتدي مضمونها"
الشعر غبه ترسل الامواج في كل اتجاه...غبت بحر من لايعرف يغوص يقصر دونها"

شكرا أخوي اللورد وماهر المطيري والله حلوة أذواقكم
شكرااااااااااااااا على المرور الرائع

بنسبه لي افضل بيت سمعته هو لشاعر سعيد بن عيد الميزاني القحم الملقب بداب الاسود لمحاوره قديمه مع
الشاعر حبيب العازني اللي يقول فيه حبيب
شب نارك يا سعيد ورى حرة مطير ثم خلك ياسعيد خفيرن دونها ثم رد ببت دايمن يتردد على بالي وفيه من المعاني القويه قل سعيد ان شعلنا انار تمسي طيورك ماتطير تالع النيران والقوم مايطفونها