السناني : يارب سترك شفت نور البرق واوحيت الرعود

في ليله من ليالي الشعر الراقي والخصام العنيف

ضمت كل من /

حبيب العازمي
زيد العضيله
محمد السناني

جرت محاوره بين زيد وحبيب وكان منها هذا البيت لزيد
الذي رسم عليه السناني الخطه الحربيّه


المصيبة جاتنا من واحدٍ ريس حموله // العرب قامت فعلول شيوخها تسبق جبرها
ليه ماعلمتوا اللي فالخطاء تقرع طبوله // كان مارديتوا اهل المخطيه جاكم خبرها

وآسف لا يحضرني رد حبيب

لكن هذا ما دار بين السناني وحبيب






السناني
يارب سترك .. شفت نور البرق واوحيت الرعود=والظاهر ان الجو صافي والمزون .. مصدقه
يازيد .. لا تامن حبيّب قبل ترسيم الحدود=ان كان ماعندك من الماضي .. عقود موثقه



حبيب
ان خيّلت ثم امطرت وانته قريب فالوجود=اصبر يالين السيل يسري من على الارض وذقه
يازيد .. لا تخطي عليّه كان ماعندك شهود=عط السناني بالكريك وغلقه بالملعقه


السناني
حمر النواظر .. ها هُنا / والحكم .. حكم ابن سعود=لاتقول ياحلو العنب .. لا ما يدينك تلحقه
يازيد .. حاول لا تعديهم مواريث الجدود=ترى حبيب .. مبتلش في بشته المتشققه


حبيب
وش عرفك هذا الديّر ! وانته ورى ضلع القرود!!=ماجيت غير العام .. يوم ان الصفوف مصفقه
منته وكيل اهل المكان ! الي قويين العضود=احيان تبني صندقه واحيان تهدم صندقه


السناني
نخوه وميقاف وحميّه ! وانت منته بمعدود!!=اما شملتك بالعفو ولا وراك المشنقه!!
المسلمين اخوان في حرب النصارا واليهود=نبغا تبايعنا الكتاب .. معلقه ومطلقه


حبيب
ماغاديٍ لك يالسناني لا بعير ولا قعود=بس انت من زود المنافق ماتكب النقنقه!!
انا ولد عاصي ليا جات الفتايل للزنود=يالارنب المترنّبه والارنب المترندقه


السناني
اضحك على فكرك .. بتجميع السرايا والجنود=الجمعه الي جات في حذفة حصى متفرقه!
انته ولد عاصي .. وصفحات الزمن بيضن وسود=اربع قوانينن عليك ابكل حال مطبقه


حبيب
يامطير .. سوو مع محمد عقد من ضمن العقود=يمكن يودي سالفه ولا الثقه ما من ثقه
البيض فالي يالسناني فالصدور وفالورود=وانته مطوع كل ماربيت لك دقنك تحلقه







لتحميل المحاوره الصوتيّه
على هذا الرابط
http://www.megaupload.com/?d=0BGBHKHF



وان كان الرابط لايعمل .. هنا رابط اخر

تحميل الملف من هنا


منقوووووووووووووووووووول

الاخ متابع مشكور على نقل المحاوره وللاسف الرابط لايعمل

اخوي الرابط يعمل عندي ..


لكن على اي حال انا رفعت الملف على موقع مخزن .. جرب الرابط الثاني


ولك الشكر والعرفان على طلتك ..

شكرا لك على هذه المحاورة الرائعه

لك مني جزيل الشكر والتقدير

شكرا لك على هذه المحاورة الرائعه

لك مني جزيل الشكر والتقدير

يعطيك العافيهـ

شكرا لك على هذه المحاورة الرائعه

موفق بإذن الله ... لك مني أجمل تحية .

يعطيك العافيه

شـكــ وبارك الله فيك ـــرا لك ... لك مني أجمل تحية .

مشكووور والله يعطيك العافيه