قصيدة \ جزاء بن قينان المطيري في امير مطير

السلام عليكم ورحمة الله وبركاته


هذه القصيده بمناسبة زيارة الشيخ/ فيصل بن بندر الدويش للآْرطاويه بضيافة الشيخ/خالد سعود الاسعدي العتيبي


يامرحبا باميرنا قايد مطير=انت الدويش اللي لك مطير وافين

في منزل اللي له محبه وتقدير=رجل يكمل واجبه لو بالدين

ماهو من اللي يحسبون المخاسير=ليا جاء مثل شرواك يذبح بعارين

خالد ليا جوه الرجال المناعير=يافي بواجبهم ولا يلحقه شين

وافي وكافي لالفوه المسايير=وبالمرجله يسوا رجالا كثيرين

واثنيلك الترحيب وانته لنا غير=ياحر ياكحيلان ضد المعادين

انته سمي اللي يقود المظاهير=يوم العلوم الاوله والميادين

الحر الاشقر جاب مثلك نوادير=وانته عليك من المحلل براهين

الجد فيصل لابغاء شي بيصير= نفخر بفعله في زمانه وهالحين


قاد السفينه بالليال المعاسير=وخلاء الرجال القاسيه روسها تلين

نزل من الحره يقود الطوابير=ممشاه سيده مامشى يسار ويمين

يبغى ديارآ مرتعٍ للمغاتير=يبغى مثل ماصار في المرتع الزين

ركز عجاج الخيل مثل المعاصير= مافيهم اللي عارضه قايلا وين

حتى ضرب هاك الفياض المشاهير= ثم صار فيها للمعارك عناوين

وراحت شيوخ القوم قدمه تنانير= واللي بقا قالو على الراس والعين

وقالو نباء قرطوع من جمة البير=ثم استلمها يازبون المخلين

شافم فعول تطير العقل ويطير=اطيبهم اليا راح مايلتفت زين

شافو سيوفا للمعادي بواتير= وهاذي سوات مطوعة كل عاصين

واليوم ساد الامن مافيه تفكير=وراحت لنا الصمان مثل البساتين

في ضل حكامٍ تقود المغاوير=الله خلقهم للمعادي سلاطين

وختامها يامرحبا فيك يامير= عساك تبقى في الوطن قولو امين


الشاعر / جزاء بن قينان المطيري[/poem]

صح لسان الشاعر =جزاء بن قينان المطيري

يعطيكـ ألف عاااااااااااافيهـ اخوي عادل ع نقل القصيدهـ

صح لسان الشاعر

صح لسان الشاعر.ولاهنت اخوي عادل الميزاني على النقل.وتنقل لمنتدى شعراء قبيلة مطير

صح لسااان الشاااعر

مشكور على النقل اخوي

دمت ودااام تميزك

تحيااااتي لك

عـ المطيري ــيد