عبدالرحمن العقيلي حيالك الله

صح السنتكم ياشعارنا وماقصرتوا.وماسوينا غير الواجب.واشكر الحضور على المتابعه.وانتظروا تنسيق المحاورة

المحاورة بتاريخ 9/4/1431هـ

عبدالمجيد الظويفري
سلام الله سلامٍ فيه من طيب الرجال علوم=تقدم يالعقيلي والعلوم اسمـع معالمهـا
أنا لي مدةٍ وعيوني تراقب طيور الحـوم=غريبه كيف حامت بالسماء قدام موسمها

عبدالرحمن العقيلي
يدوم بك البقا ويدوم عزك وتحيـا وتـدوم=اخذ رديتـي ولا تستلمهـا قبـل اسلمهـا
طيور الحوم حامت والسما بعدك كساه غيوم=على بعض الديار الله يعظم مـن يعظمهـا

عبدالمجيد الظويفري
هذيك الديره اللي عدها من دونها مـردوم=لك الله يالعقيلي ما رجانـا مـن غنايمهـا
مفاليها وخام وكل يوم من الهبوب سمـوم=عسى الله بعد ماجاها القحط بالغيث يرحمها

عبدالرحمن العقيلي
لك الله دون حبـه مـن ثراهـا ماقبلنـا السـوم=هـذا حبـة ثـرا ماهـو مثـل ماقلـت يردمهـا
لاكن ان طعت شوري جوز عنها وارض بالمقسوم=اخبر اللـي سواتـك يسمـع الكلمـه ويفهمهـا

عبدالمجيد الظويفري
مادام ان الفضاء كله مجرات وسماء ونجوم=عيونك ماتخيل مـن النجـوم الا مقادمهـا
لقيتك في نعيم ولا انت لا معطى ولا محروم=وش اللي يجبرك بارضٍ تغنيلك جماجمهـا

عبدالرحمن العقيلي
ابشهد لك شهادة حق وافي من رجـال قـروم=رجال تحمى الكلمة وتتعـب مـن يخاصمهـا
لكن انت الحقيقه صدق تحسب من صغار القوم=يعـاف ام الكبايـر والنطيحـه مايحرمـهـا

عبدالمجيد الظويفري
تبا تركي ! وانا ابركي علاك ولاعلي اللوم=أبا منك القرار اللي ليا قـررت تحسمهـا
اثرك الشايب اللي لا مشا دربه يطيح يقوم=يعشق أم الفتايـل والمحـازم مايحزمهـا

عبدالرحمن العقيلي
انا بقول يوم اني ذكرت الشايب المشـؤم=اذا طاحت عجوز قريح شايبهـا يقومهـا
وترا الحر النداوي ياولد ماهوب مثل البوم=اذا شاف الفريسة فز فرحـان وتغانمهـا


عبدالمجيد الظويفري
أنا كنت احسبنك في صباك الفارس الزيزوم=كبرت وكبرت القالـه ونفـسك ماتحاكمهـا
بعد صليت لك ليله لزوم انك ليال تصـوم=قبل لا تعرف العله ليـا بانـت خواتمهـا

عبدالرحمن العقيلي
عسى الله يحفظ اللي لانصته النايبات يقوم=ابوراكـان زيـزوم الطواريـق ومعلمهـا
ينظم ملعبة ويقود جيشٍ مثل جيش الروم=الا ياسعـد ملعبـةٍ لياقامـت ينظمـهـا

بيض الله وجيهكم يا الشاعر مقصرتم ويعطيك العافيه

وبيض الله وجهك يا أبو راكان ع التنسيق الرائعـ وهذا ليس غريب عليك

صحت السنتكم جميعا ولاهنتم وبيض الله وجه ابو راكان على هذا الحضور والتنسيق الجميل

وحقك معلقة كاملة لمجهوداتك الواضحة في المنتديات

اشكر جميع الي حضر هذه المحاورة التي من العيار الثقيل وكيف لا وهي تجمع بين شعار عملاقه مثل الشاعر عبد المجيد الظويفري والشاعر والكاتب عبد الرحمن العقيلي ..

واخص بالشكر لي مساعد الاداره استاذي (الرمح ) الذي لبى الدعوه واقول له منور المحاورة يا مساعد الاداره .. وايضا مساعد الاداره الاخ سالم رباح واقول مشكور على تلبية الدعوه
واخص بالشكر ايضا لي المشرف المتميز ابوراكان على هذه المحاورة والتنسيق بين الشعراء واقول له بيض الله وجهك .. يامشرفنا


ودمتم بخير

اخوكم النادر*

صح لسانك أخوي الشاعر عبدالرحمن العقيلي
و
صح لسانك أخوي الشاعر عبدالمجيد الظويفري


محاورة رائعه الله يعطيكم العافيه

المشاركة الأصلية كتبت بواسطة خـالـدالـمـيزاني

صح لسانكـ يا العقيلي شاعر

وننتظر اخوي عبدالمجيد الظويفري

ابوراكان-----النادر------خالد الميزاني

حظورررر مشرف وتوجد مذهل لكم مني فائق الاحترام والتقدير

المشاركة الأصلية كتبت بواسطة سالم رباح

بيوت طيبة من شعراء وافين .



لاهنتم .

وش اللي يجبرك بارضٍ تغنيلك جماجمهـا

عز

الخوي------الرمح ------سالم رباح

ايضا حظور وقوي ومشرف الف شكر

وتقبلو مني خالص الشكر والتقدير

المشاركة الأصلية كتبت بواسطة أبن مصاول

صح لسان الشاعرين المبدعين عبدالرحمن العقيلي و عبدالمجيد الضويفري ومحاورة رائعة جداً وخاصة إذا حضر شاعرين يلعبان على المعنى من أمثالكما ..امتعتونا بيض الله وجيهكم وانا حاضر في هذه المحاورة الرائعه وآسف على التأخر

استاذنا الغالي الطويل

الشاعر الكبير عائض الحريص

الشاعر الكبير بناخي الزحزوح

انورت الدنيا بوجودكم وسعدنا بحظوركم الراقي والمشرف

تقبل فائق الاحترام والتقدير

المشاركة الأصلية كتبت بواسطة النــادر

اشكر جميع الي حضر هذه المحاورة التي من العيار الثقيل وكيف لا وهي تجمع بين شعار عملاقه مثل الشاعر عبد المجيد الظويفري والشاعر والكاتب عبد الرحمن العقيلي ..

واخص بالشكر لي مساعد الاداره استاذي (الرمح ) الذي لبى الدعوه واقول له منور المحاورة يا مساعد الاداره .. وايضا مساعد الاداره الاخ سالم رباح واقول مشكور على تلبية الدعوه
واخص بالشكر ايضا لي المشرف المتميز ابوراكان على هذه المحاورة والتنسيق بين الشعراء واقول له بيض الله وجهك .. يامشرفنا


ودمتم بخير

اخوكم النادر*

ايضا الشكر موصول لك انت اخونا النادر صاحب الحظور القوي

واتوجه بالشكر الجزيل الى اخي واستاذي الكبير ابوضيف الله على تشريفه

لهذه المحاورة وقو له انورت واسفرت يابوضيف الله حظورك نور دائما وابدا

ايضا اختنا الشاعرة /سهام

التي هي دائما سباقة في التشريف اقول لها شرفتي ومثلتي العنصر النسائي اليوم

والف شكر على حظورك

اتوجه بالشكر قبل الختام الى ااخي الشاعر والنجم المبدع/عبدالمجيد

الظويفري والذي قدم معي هذه المواجهه التي اتمنا من الله عز وجل ان تكون حازت على شي من رضاكم

لان رضاكم هو الغاية التي نبحث عنها دائما وابدا

تقبلو جل التحايا والتقدير

اخوكم عبدالرحمن العقيلي