يازين لاترجي مقفي وناسيك=عليك بالي لاقسى الوقت شالك

يازين لاترجي مقفي وناسيك=عليك بالي لا قسى الوقت شالك
يمكن من جروح الليالي يداويك=مدام من عال المكان انحنالك
لاتجرحه بصد ربي يخليك=ابوجه من نزل تبارك يسالك
صافه بحبك دام شفته مصافيك=خلا العذرا لجل عينك وجالك
وضحك وسع في حياتك مناحيك=مع شاعرن لجل الغرام انتحالك
يسرج بنات الفكر لجلك وهاويك=خل الكلام الي يقوله ابالك
عاشق وبسلوم المحبين شاريك=لاتحرمه لذة حنان ابوصالك
وسكن بقلبن بصدق الحب حاويك=لا لا ضلوعه كب صدره وجالك
يتخيلك ليلن معتم ويسريك =ويشوف نورن ينبعث من خلالك
تعال تكفى ضمني بين اياديك=تراي من طعنات صدتك هالك
واخر كلامي لاتغير مباديك=وتعلن على عشاق صمتك قتالك

يتخيلك ليلن معتم ويسريك =ويشوف نورن ينبعث من خلالك

ابدااع

ابيات رائعه دائما تتحفنا بقصائدك اخوي مجري

عساك على القوة

صح السانك يابو ريان وعتلا شانك

صح لسانك أخوي مجري خضر

ابداع يتجدد يابو ريان صح لسانك مليووووون على هذا النص الرائع

صح لسانك ابو ريان على هالقصيده الجزله

أبداع مستمر , وشاعرية متدفقه, ومعاني راقية, وصور تجبر المتصفح يتوقف كثيراً ويتأمل ...ما شاء الله صح لسانك

وسكن بقلبن بأصدق الحب حاويك=لولا ضلوعه كب صدره وجالك
يتخيلك ليلـن معتـم ويسريـك=ويشوف نورن ينبعث من خلالك

صورة عجيبه جداً توقفت عندها كثيراً...الله عيني عليك بارده يا شاعر الطورايق الصعبه والأشعار الجزله

ولا أروع ولا أجمل من هالابيات
بصراحه نص جميل اعجز عن وصفه
ماشاء الله عليك اخوي دائما مبدع
بقصائدك لاهنت

صح لسانك وبيض الله وجهك

صح لسانك ومبدع اخوي مجري وشاعر تختار الكلمات التي تشد الانتباه لقصائدك شكرا والى الامام
تحياتي