عطلة الصيف

ناس (ن)تصيف يم لبنان واجنيف=وانا بخشم العان هذا مصيفي
والهم والغربه وبعد المواليف=خلت اجروح القلب تنزف نزيفي
والوقت عيا ما مشى لي على الكيف=ودنيا العنا عيت تجيلي بكيفي
خدمت بالبدله سنين(ن) مراديف=ولا زلت انا باقي برتبة عريفي
والراتب المبروك دوب المصاريف=واخاف لاقصر بماجوب ضيفي
الوقت قاسي والليالي معاجيف=وبرق الغناه ابطا مجاله رفيفي
واليوم عني بلغو عطلة الصيف=شفي ماهو لبنان ولا جنيفي
شفي ليا عديت روس المشاريف=الي شمال المهد غربي عفيفي
ذيك الديار اللي عليها التحاسيف=صحاري(ن) نضره وجوا(ن) لطيفي
هاذي علومي كلها والسواليف=والي بقا جرح الزمان الكليفي

اخوكم شاعر الغربه شبل المطيري

الوقت عيا مامشي لي على الكيف ودنيا العنا عيت تجيلي بكيفي

صح لسانك اخي شبل عصيم على هالقصيده الجزله فالك اتوفيق

صح بدنك يابو عصيم وعتلا شانك على هذه القصيده الرائعه والله يرزقك الجنه والمال والرتبه العاليه

شفي ليا عديت روس المشاريـف
الي شمال المهـد غربـي عفيفـي

ذيك الديار اللي عليها التحاسيـف
صحاري(ن) نضره وجوا(ن) لطيفي

هاذي علومـي كلهـا والسواليـف
والي بقا جـرح الزمـان الكليفـي

صح لسانك يالجزل ابن عصيم

صح لسانك اخوووي
لاهنت

صح لسانك اخوي شبل على هالقصيدة
ولازلنا نطالبك بالمزيد

صح لسانك أخوي شبل عصيم وقصيدة جزلة من شاعر جزل


وصراحة المفاضلة بين لبنان والصحاري اللي غرب عفيف وشمال المهد مفاضلة ظالمه

صح لسانك أخوي شبل عصيم

يعطيك الف عافيه

صح لسانك اخوي شبل وصحيت
قصيده رائعه وابيات جزله
وننتظر المزيد ....