عيد الجميع يعود

مع إقتراب عيد الفطر المبارك يسرني مصافحة منتديات الموازين
ادارته ومشرفين واعضاء وزوار بهذه القصيده للمعايده ووالتواصل
كل عام والجميع بخير وسعاده

بعد تمً صوم الشهر عيد الجميع يعود=سعيد يتجدد والوطن في أسعد أيامه
عسى الله يعيده وأمننا مستتب يزود=زهى صدر دولتنا السعودية وسامه
بلادٍ حماها الله بحكامها آل سعود= يعيش الوطن بالعز في ظل حكامه
هذا من دعائم عزهم ذائع ومشهود=شرف خدمة البيتين من غيرهم رامه
نعم وأسسوا دوله فتيه وحنا جنود=بالأرواح دونك يوطن نرفع الهامه
نعم وأسسوا دوله بدم وذهب وجهود=وحكمة سياسه للعدو شلت أقدامه
نعم عينهم للشعب فيها الرضا ممدود=يمدون له بالكف ما يكفل إكرامه
ليا شاش أبو متعب وسلطان سرا لجود=ضحك باكيٍ من فاقته قاضم إبهامه
عطايا مكارم وبل نوٍ حضبها رعود=على آثار سيله فز بسباس وخزامه
بعدها أنعشينا واذرحي ياهبوب النود=عليل الهوى طيبه تغنتبه انسامه
من الورد والريحان يقفاه طيب العود=يعطًرجسد شعبٍ رفع راية اسلامه
بعد تم صوم الشهر يالله يامعبود=طلبنــاك تعتــقنا من النار بصيامه
وعيدٍ سعيد يفوح طيبه زهر وورود=لمن مر بابياتي ولا قصًر أقدامه

صح لسـانك .. شآعرنـا / حمود العتيبي ..

وكل عـام وانت بألف خير .. والجميع بإذن الله ..


قصيدهـ جميله وأبيات أكثر من رائعه .. لآهنت على نقلهـا ..



دمت مبدعــآ

صح لسانك اخوي حمود العتيبي
وبيض الله وجهك على هالقصيده
وكل عام ونت بخير تحياتي لك

بعد تم صـوم الشهـر يالله يامعبـود

طلبناك تعتقنا مـن النـار بصيامـه

وعيدٍ سعيد يفوح طيبه زهـر وورود

لمن مر بابياتـي ولا قصًـر أقدامـه

صح لسانك يالعتيبي >>>>

عسى عيدك مبارك ودوم ٍ فرح ياحمود ..... بعد تم شهر الصوم رحمتك فــ اختامه
وعسى الله يعوده ياولد والوصل ممدود ...... ونفرح ويفرح من سجد به ومن صامه

صح لسانك أخوي حمود العتيبي وعيدك مبارك

صح لسانك ياحمود وكل عام وانت بخير

صح لسانك أخوي حمود وكل عام وانت بصحة وسلامة

صح السآنك واعتلا شانك

وكل عام والجميع بخير

صح لسانك أخي حمود وشاعر وتفرض شعرك على الآخرين بسبب جزالته التي تجعل المتلقي يقف امامه ويقول : لا زال الشعر النبطي بخير.


صح لسانك واعتلى شانك والى الأمام يا مبدع

صح الله لسانك اخوي حمود وكل عام وانت والجميع بخير
ابيات جزلة ما ينظمها الا شاعر جزل ومتمكن وتجبر من يقرأها
ان يصفق لك ...