حـضـر جـوزكـ

السلام عليكم ورحمة الله وبركاته



اخواني الاعزاء اعضاء ومشرفين هذا المنتدى الكبير





بعد ها الغيبه الطويله عن اضواء المنتدى لاسباب امنيه . .




رجعت وانا احمل لكم المواضيع النادره والقصائد العطره . . .





وحبيت ان انزلكم قصيده من الارشيف . . .




لشاعر : بدر بن سعود الكميهاني العوني المطيري

الا يابن فيحان قم شغل الجيب = في خاطري مشوار مع شقة النور
والذيب من عمره وقف جمبه الذيب = وانته لها ياكاسب الطيب والشور
من الرحاب امسك طريق النويصيب= واخذ الجسر من قبل لايقبل السور
اخذه يمين وتلقى في جمبك البيب = خله يمين وكمل الدرب بالفور
ومن بعد ماتقبل من المنفذ قريب = ويقرب عليك المفرق الي ورى الزور
حظر جوازك لسفر والمواجيب = يم الديار الي تعمر بها قصور
ديار منهم باللقى خصمهم شيب = سيفين مع نخله وقوس(ن) بها يدور
ديرة هل العوجا سيوف(ن) محاديب = اديار ابو متعب ولا صاح اخو نور
ولاياقف الا عند كسابة الطيب = اهل الشداد الي رقى فوق مظهور
خمسة رجال(ن)مع طوال الاشانيب = تاقف مواقيف(ن)تولملها حضور
لاشك في هذا وابوهم عن العيب = جنب طريق العيب بالطيب مذكور
(ابن شجاع) وسد كل المطاليب = ذخر الرجال ولا على السامع قصور
كيف اذكره واجمله بالمواجيب = وذكره سبقني بالمجالس من عصور
اسمه تفاخر به رجال المكاسيب = واليا حضر ياقفله الطيب مجبور
في مجلسه تلقى الدلال المشاهيب = من وارد الرسلان من عمر ودهور
بالمجلس الي ذكرهم بالتراحيب = وعلومهم بالطيب والجود له دور
هذا الصحيح ولا على قولنا ريب = قول الصراحه واجب وجاك بسطور
قول ابن عون وجابها لك على الغيب = بيوت شعر(ن) جبرت كل مكسور

وارجو ان تنال على اعجابكم





ملاحظه : ارجو من جميع شعراء المنتدى طرح الرأي في هذي القصيده او اي ملاحضات







وشكراًَ

بعد ها الغيبه الطويله عن اضواء المنتدى لاسباب امنيه .

حياك يا ذوي عون بين اخوانك وبني عمك وعوداً حميداً.ومرحباً بك ياغالي

وبمناسبة الغيبة لأسباب امنيه ليه وش دعوى كنت مراقب؟؟؟ هههههههههههه

حياك وصح لسان قايل القصيدة..ولا تنسانا من الجديد

أبن مصاول

هههههههههههههه


اركد يابن مصاول لايرووح فكرك بعيد ههههههههههه


الدعوه بسيطه




ولاهنت على هذا المرو ر الطيب . . .

كنها من قصايد بندر بن سرور هههههههههههههههههه

على العموم قصيده حلوه مره .. يعطيك العافيه

حـضـر جـوزكـ

مطلوب ايضاح لهذا المعنى ، لحيث ان العنوان مغاير لمعنى القصيده


او سنضطر اسفين لحذف هذه المشاركه

يعطيج العافيه يالميزانيه على المرور الطيب

لاهنت اخي العزيز راس الضلع



اما بالنسبه لاسم الموضوع .. انا كتبته بسرعه وجت معاي (حضر جوزك ) ولا هي بالاصل اسمها (حضر جوازك ) كما موضح لك بالقصيده



ونرجو منك اخي العزيز ان تعدل اسم الموضوع اذا ممكن





وشاكرلكم

ذوي عون

يعطيك العافيه على الايضاح .. والان فهمنا معنى العنوان

ديرة هل العوجا سيوف(ن) محاديب = اديار ابو متعب ولا صاح اخو نور





الحمد لله على سلامتك وحياك الله في منتداك والقصيده جيده لكن لي عليها ملاحضه بدون تقليل من شاعرية قائلها في قوله (اخو نور) أنا أعرف والكل يعرف طبعاً ان المقصود أخو نوره وهي عزوة الأسره المالكه فكيف يخطي الشاعر مثل هذا الخطاء لأنه كذا غير العزوه المقترنه بهم لجبر القافيه وهذه الملاحضه0

وتقبل مروري ولك تحياتي أخوي

ابن الرومي



مرحبا اخي العزيز . . واسعدني مرورك




وبالنسبه للملاحضه .: ( اخو نور ) اعتقدبأن الشاعر قاصدها لكي تمشي مع القافيه

ولايصير خلل في القصيده . .



والي اعرفه انه عزوة الاسره الحاكمه .. اسمها ( نوار و نوره ونور ) كل هذي الاسماء تنتطبق على المعني



وبيض الله وجهك اخي العزيز على المرور الطيب