قصيدة الشاعر الكبير سعيّد القحم رحمه الله في السقايين من ذوي عون

بديت بإسم الله وغنيت قافي = قافٍ شرابه مثل شرب النقاريش
قافٍ يبيّن خافيات الخوافي = من دفتر الماضي يفتش تفاتيش
الدفتر اللي ماقروه الغوافي = يوم الحمول يكسرن الطفاريش
إن صاح صيّاح الضحى فالسنافي = والبوش زلوّع والبنادق مقافيش
لحقوا هل البلطه بعلمٍ يشافي = فكاكة المغتر اليا زرفل الجيش
اليا تعلوا فوق مثل الطخافي = وردوا جنبها بالرماح المعاطيش
وراحوا هل العليا علاهم ذعافي = وغدا لهم بين السرايا نشانيش
وإن جنّ دقلات الرمك بإصطفافي = نطعن بهم فالترك حمر الطرابيش
وقت الوغا مايمتنون العوافي = اليا أختلط عج الرمك صابهم طيش
ربعٍ على طرح المجوّخ مشافي = اليا لحق عض القفوش النواتيش
من دون خلفاتٍ غوالي ولافي = وسم الدويمع فوقهنه تناويش
مايرتعن الا فجوج الفيافي = في ساق والا في حدود الحناتيش
وأن جاء على البيداء سوات اللحافي = يرعن من نبت الخزامى تقاطيش
يبني شحمهن مالحقهن خلافي = عقب الهزل ينبت كما نيتت الريش
تسمن به الدق الهزال الضعافي = تسمن به الدق المخاليل وتعيش
تتلي ذوي سحلي حماة المقافي = أن طار ستر منقضات العكاريش
منزالهم فالخوف روس الشعافي = ونيرانهم يجذب سناها الهتاتيش
وقصيرهم مايلحقونه خلافي = ودخيلهم في سدة الوجه مانيش
وأخذوا تحياتي وأنا شاب قافي = القاف شيّب والضماير معاطيش

الله يرحمك
يادااااااااااااااااااااااااب الاسود
والله فقيده