ابيات مدح للشاعر/شليويح الزنغوب

هذه الابيات للشاعر /شليويح عطالله الزنغوب الميزاني وهي ابيات مدح في الشيخ/باين وسمي الزنغوب الميزاني اعجبتني وقمت بنقلها في منتدانا الراقي اتمنى ان تعجبكم

المرجله والعرف والطيب والدين =اربع صفات وضمها راس شايب
يااسايق الفنجال بين الميامين =عده لابن وسمي عطيب الظرايب
عمي وابفخر فيه وابمدحه لين=من فوق راسي ياضعون النصايب
هذا الذي ننصاه فالعسر واللين=وياعنك من ينصاه ماهو بخايب
وهذا السلاح اللي مايحتاج تخمين=لاكبرت القاله وشبت شبايب
عون الرفيق وسم كبد المعادين =وطلق الحجاج اللي يسد النوايب
ماني بقايل ياصعوط المجانين =لانه صعوط المعضله والنشايب
ضلعن لنا في نجد بين الضلاعين =وش عاد لو هبت عليه الهبايب
ينعد لاعدو شيوخ الموازين=وتشهد له عقول الرجال اللبايب
عمي عدو الكذب والبخل والشين=وعمي ولد وسمي عدو المصايب
صادق ولا كذبت في كل الامرين=وتشهد له العربان طيب وغصايب
مكرمن عند الرجال المسمين =ومحشوم عن درب الردى والشوايب
ابمدحه لاجيت وسط الدواوين=وامجده بالشعر حاظر وغايب
لنه ووسيع المعرفه واحمر العين =ولحداً ملحقني بمدحه طلايب
والناس واجد لاكن الطيب يبين=والقلب صافي والنوايا ركايب

قصيده جزله من شاعر جزل
صح لسان الشاعر / شليويح الزنغوب
ويستاهل الشيخ / باين ابن وسمي المدح والطيب كله وهو منبع الطيب
ولاهنت يابو عايض على نقلك الرائع
.

صح لسان شاعرها
قصيده جزله جزله
ويستاهل الشيخ باين وسمي
تحياتي لك اخي متعب
على ايرادك الجميل كعادتك

صح لسان الشاعر ويستاهل كل الخير باين


ويعطيك الف عافيه اخوي على نقلك المميز

ابن الشاعر
صح بدنك على لسان شاعرها
ولاعدمتك يالغالي
دمت بود

ذيب العريق صح بدنك
شاكرين مرورك الراقي
اقبل تحياتي لك