لو غبت عنك أيام وليال وشهور = تراك في قلب على غيرك أغلاك
ولو حال من دونك مسافات وبحور = ولآوني انسى الناس لايمكن انساك
منساك لين اصبح مكفن ومقبور = ويمكن معي يبقا خيالك وذكراك
من يوم ماشفتك وانامعك مسحور = ولو تطلب اغلا ما املكه قلت لك هاك
امرن من المولى وانا إنسان مامور = خذ ماتبي مني مادام الله اعطاك
لك في وسط قلبي محطات وقصور = ويوجد بصدري لك محيطات واملاك
ولك أرض مزروعه بساتين وزهور= تمش فيها وانت حرن بممشاك
قلبي وصدري لك من الود ممطور = سحاب حب امطر على القاع وارواك
لاتحسب إني عنك سالي ومسرور = اصعب علي فالكون بعدك وفرقاك
أجلس وأفكر وأكتب الشعر بسطور = واجمل بيوتن قلتها قلبي اهداك
واسهر وخاو النجم لاطلعة النور = واسأل زمان(ن) راحبك وين واداك
واصبر وكن القلب يصلاه دافور = وأخاف قلبي يحترق لاتباطاك
ارسلت لك من قلب واحساس وإشعور = يوم المشاعر لك سرت والغلا جاك